БИШКЕК, 3-окт. — Sputnik. Араван районунда 11,14 гектар жер тилке жана мүлк комплекси мамлекеттин балансына кайтарылды. Бул тууралуу УКМКнын маалымат кызматы билдирди.
Жер көптөн бери иштебей турган "Ак-Була Араван пахта заводу" ААКсына тиешелүү болгон.
"Жер тилке соода аянтчасы катары колдонулган. Баалоо иштеринин жыйынтыгы боюнча баасы 3 миллиард 217 миллион сомду түздү. 1997-жылы Араван районунун айрым аткаминерлери пахта заводун мыйзамсыз түрдө чет элдик жаранга жеке менчикке өткөрүп беришкен", — деди УКМКдан.