Биздин өлкөдө доллар менен өлчөнгөн 5-6 миллиардер, 200дөй миллионерибиз бар. Бул тууралуу президент Садыр Жапаров "Кабардагы" маегинде билдирди. Анын айтымында, бизнесмендердин көпчүлүгү акчаларын офшорлордо сакташкандыктан, каражатты мыйзамдаштыруу мыйзамын кабыл алып беришкен. "Бирок бүгүнкү күнгө чейин акчаларын өлкөгө толук алып кирише элек. Жарым-жартылай алып келип, курулуш тармагына салып жаткандар бар. Мен аларга коркпой алып келгиле, долбоорлорго катышкыла деп айтар элем. Позиция-оппозиция деп бөлбөй экономикага, мамлекетке пайда алып келе турган долбоорлорго катыштырып, колдоого даярбыз. Ошол эле сындап жаткандар, журналисттер жол эле эмес, бардык тармактарга инвесторлорду таап келишсин, катышсын, алып иштетишсин", — деди президент. Жапаров Ысык-Көлдө 90 гектер жер 10 гектардан тогузга бөлүнгөнүн айтып, ошол жерлерге беш жылдыздуу мейманкана салууга өлкөнүн байларын чакырган.
Бүгүн Жогорку Кеңештин жаңы депутаты Алтынбек Кылычбаев парламентте ант берди. Ал №13 бир мандаттуу Сузак шайлоо округунан шайланып келди. "Ата-Журт Кыргызстан" фракциясынын курамына кирген Кылычбаев мурдагы депутат Тазабек Икрамовдун ордуна мандат алды. Тазабек Икрамовдун жайында, 17-июль күнү Улуттук коопсуздук мамлекеттик комитетинде сурак берип чыкканы маалым болгон. Көп өтпөй эле 19-июлда өз ыктыяры менен мандатын тапшырганы кабарланган.
Саламаттык сактоо министрлиги өлкө боюнча жыл сайын уюштурулуучу "Айымдардын ден соолугу" аталышындагы бир айлык өтүп жатканын маалымдады. Билдирүүгө ылайык, ал кечээ, 1-октябрда, башталган, айдын аягына чейин уланат. Бир айлыктын максаты — 18 жаштан өткөн кыз-келиндерди жугуштуу эмес оорулар боюнча кеп-кеңеш алуу үчүн медициналык мекемелерге кайрылууга үндөө. "Айымдардын ден соолугу" бир айлыгы оорулар тууралуу маалымдуулукту жогорулатуу, аларды эрте аныктоого жана оорулардын татаалдашуу коркунучун азайтууга багытталган", — дешти министрликтен. Ошондой эле мекеме октябрь айында аялдар акысыз кан басымын өлчөтүп, жүрөк-кан тамыр ооруларына, кант диабетине чалдыгуу коркунучтары бар-жогун аныктап, жугуштуу эмес ооруларды алдын алуу, дарылоо боюнча кеңештерди ала алышарын кошумчалашты. Бул үчүн алар жашаган жериндеги баштапкы медициналык-санитардык жардам мекемелериндеги үй-бүлөлүк дарыгерге же медайымга кайрылышы керек.
Курск облусундагы операция Украинанын Куралдуу күчтөрүнүн фронттогу аскер кызматкерлери менен болгон көйгөйдү ого бетер курчутту. Бул тууралуу Washington Post басылмасы Тышкы саясатты изилдөө институтунун илимий кызматкери Роб Лиге шилтеме берүү менен жазды. «Линин айтымында, Курск аймагындагы операция украиналык аскерлердин чарчануусун күчөтүп, саны азаюсуна алып келген. Бул ого бетер кырдаалды курчутту, аталган нерселер ансыз да Киев үчүн негизги койгөйлөрдүн бири болчу», - деп айтылат маалыматта. материалда ошондой эле, Украинанын Курск аймагындагы авантюрасы дагы деле өзүн актай электиги да белгиленген.