Улуттук банктын соңку маалыматы боюнча, өлкөдөгү банктардагы депозиттердин көлөмү 528 миллиард 557 миллион сомду түздү, анын 304,5 миллиарды улуттук валютада сакталган. Белгилей кетсек, депозиттердин көлөмү гана эмес, эсептердеги акчалар да эске алынганы белгиленди. Кеп юридикалык жана жеке жактардын, ошондой эле резидент эместердин каражаттары жөнүндө болуп жатат. Депозиттердин учурдагы көлөмү, тагыраагы, жалпы жана улуттук валютадагы каражаттар Кыргызстандын банк статистикасынын тарыхында экинчи орунда турат. Рекорддук көрсөткүч ушул жылдын июль айынын аягында байкалып, сумма валюталарда 543,5 миллиард жана 305,2 миллиард сом болгон. Анда сом менен салынган депозиттин көлөмү биринчи жолу 300 миллиарддан ашкан.
Жалал-Абад шаарында изделип жаткан 3 жаштагы наристенин сөөгү табылды. Бул тууралуу ӨКМден билдиришти.Маалыматка ылайык, аны жергиликтүү тургундар каналдын боюнан таап, милиция туугандарына өткөрүп берген. Бөбөк 26-сентябрда жоголуп кетен. Аны Жалал-Абад шаары боюнча 11 куткаруучу, 80 жергиликтүү тургун, 40 милиция кызматкери издеп жаткан эле.
Бишкекте "Кытай — Кыргызстан — Өзбекстан темир жол компаниясынын" ачылыш аземи өткөнүн министрлер кабинетинин маалымат кызматы билдирди. Ага өкмөт башчы Акылбек Жапаров, Кытайдын элчиси Ду Дэвэн, КЭР делегациясынын башчысы Чжан Цзянхуа, Өзбекстандын транспорт министри Илхом Махкамов, China Railway International компаниясынын башкы директору Чжоу Син катышкан. "Биз бул долбоорго абдан жогору баа берип, аны кылымдын курулушу деп атайбыз. Бул Кытай менен Борбордук Азия өлкөлөрүнүн ортосундагы экономикалык кызматташтыкты жаңы деңгээлге алып чыгат", — деген Жапаров. Буга чейин аталган долбоорду ишке ашыруу үчүн Кыргызстандын аймагында биргелешкен долбоордук компания түзүлө турганы белгилүү болгон. Анда үлүштүн 51 пайызы Кытайга, 24,5 пайызы Кыргызстан менен Өзбекстанга туура келет. Кытай тарап долбоорлоого, курулушка, сатып алууларга жана башка негизги иштерге жооптуу болот.
Кыргызстандын борборунда Snow Leopard Run 2024 бешинчи эл аралык кайрымдуулук жарым марафону өттү. Жарыш "Ала-Тоо" аянтында башталып, 4,5 миңге жакын адам катышты. Анда ышкыбоздор да, кесипкөй спортчулар да чуркашты. Жарыштар 5, 14 жана 21,1 чакырым аралыкта өттү.Балдар үчүн жарыш да уюштурулду. Уюштуруучулардын айтымында, Snow Leopard Run 2024 жарым марафонунун максаты спортту жана сергек жашоо образын жайылтуу гана эмес, Кыргызстандын символу — ак илбирсти сактап калууга көңүл бурдуруу болду.
Украинаны каржылык колдоо Европа биримдигинин кыйрашынын негизги фактору болот. Бул тууралуу ирландиялык журналист Чей Боуз X социалдык тармагына жазганын РИА Новости билдирди. "Евробиримдиктин экономикалык жана саясий күч катары жашоого жөндөмдүүлүгүнүн кыйрашынын негизги фактору — бул биримдике мүчө болбогон жана болбой турган өлкө. Чындыгында бул өкүнчүтүү чындык, ЕБ эч качан мүчөлөрүнүн жыргалчылыгына кам көрбөгөнүн көрсөтүп турат", — деп жазган ал. Боуздун айтымында, ЕБ өз аракети менен болгону НАТОнун саясий "колунун" уландысы экенин бүтүндөй дүйнөгө көрсөтүп жатат. Евробиримдиктин 14-декабрдагы саммитинде Украина менен Молдованын Евробиримдикке мүчө кылып кабыл алуу боюнча сүйлөшүүлөрдү баштоо чечими кабыл алынган.