БИШКЕК, 28-сен. — Sputnik. Бишкекте азык-түлүк жарманкеси өтүп жатканын Айыл чарба министрлиги билдирди.
Мекеме жарманкенин максаты күнүмдүк пайдаланылуучу азык-түлүктөрдү шаар тургундарына дүң баада сатуу экенин белгиледи. Ошондой эле ата мекендик өндүрүшчүлөрдү, агроөнөр жай ишканаларын жана жеке ишкерлерди колдоону көздөй турганын билдирди.
Жарманке ар дем алыш сайын саат 9:00дөн 18:00гө чейин Токомбаев жана Жетикашкаева көчөлөрүнүн кесилиштеринде уюштурулуп турмакчы.