"Росатом" Баткенге шамал электр станциясын курууну пландоодоБишкек мэриясы айдоочуларды жумушка чакыратКайсы бүтүрүүчүлөргө ишке орношууда артыкчылык берүү сунушталды? Мыйзам долбооруалдыда кененирээк"Акылман" президенттик лицейинин жана "Эл үмүтү" стипендиясынын бүтүрүүчүлөрү мамлекеттик жана муниципалдык кызматка конкурстан тышкары киргизилет. Тиешелүү мыйзам долбоору президент тарабынан демилгеленип, Жогорку Кеңештин сайтына жайгаштырылды. Ага ылайык, "Акылман" лицейинин бүтүрүүчүлөрү жана "Эл үмүтү" стипендиясынын алкагында чет өлкөдөн билим алгандар мамлекеттик жана муниципалдык кадрлар резервине конкурстан тышкары киргизилет. Ал эми ишке кабыл алууда аларга артыкчылыктар каралууга тийиш. Мындан тышкары, бул бүтүрүүчүлөргө мамлекеттик гранттардын эсебинен билим алуу укугу берилет. Чыгымдар толугу менен республикалык бюджеттен төлөнөт.
"Росатом" Баткен облусуна шамал электр станциясын курууну пландоодо. Бул тууралуу Sputnik маалымат борборунда өткөн брифингде "Росатом" мамлекеттик корпорациясынын Кыргызстандагы өкүлчүлүгүнүн башкы директору Дмитрий Константинов билдирди. Анын айтымында, станциянын кубаттуулугу 100 мегаватты түзөт. "Бул Ысык-Көл облусундагы долбоордун документ иштерин аяктагандан кийин баштай турган №2 долбоор болот. Баткен облусу алыста жайгашкандыктан Кыргызстандын приоритеттүү аймагы. Ал жакта шамал да катуу", — деген Константинов. Эске салсак, 12-сентябрда Ысык-Көлдүн Көк-Мойнок айылында кубаттуулугу 100 мегаваттка жеткен Кыргызстандын аймагындагы алгачкы шамал электр станциясынын курулушуна капсула салынган. Долбоордун жалпы суммасы 110 миллион долларды түзөт. Курулушка бир жылдай убакыт кетери айтылган.
"Зубовскийдеги SputnikPro" программасынын 2024-жылдагы жыйынтыктоочу модулу 23-27-сентябрда Москвада "Россия сегодня" эл аралык медиатобунун имаратында өттү. Жакынкы чет мамлекеттердин журналисттери жана блогерлери мыкты адистер менен баарлашып, кесиптик чеберчиликтерин жогорулатуунун уникалдуу мүмкүнчүлүгүн колдонушту.Бул жолу Россиянын борборуна модулга катышуу үчүн Казакстан менен Өзбекстандан үчтөн, Беларустан жана Кыргызстандан экиден, Азербайжан менен Түштүк Осетиядан бирден, жалпы 12 адам келди. Алардын жарымы программага биринчи жолу, калгандары, мисалы, блогер Алмазбек Өмүрзаков жана Dostuk.media маалымат агенттигинин кабарчысы Ольга Долженкова экинчи ирет катышууда. Программанын катышуучуларынын алдында сүйлөгөндөрдүн арасында медиатоптун башкы редакторунун орун басары Наталья Лосева, аткаруучу директору Кирилл Вышинский жана теле алып баруучу Армен Гаспарян бар. Эксперттер конокторго telegram-каналдарды түзүү жана колдоо, социалдык тармактарда иштөө, видео тартуу, монтаждоо, журналисттин ишмердүүлүгүнүн укуктук жана этикалык аспектилери тууралуу айтып беришти.
Бишкек шаардык мэриясы айдоочуларды жумушка чакырат. Калаа администрациясынын билдирүүсүнө ылайык, "Бишкек шаардык транспорт" муниципалдык ишканасына 21 жаштан 63 жашка чейинки айдоочулар изделүүдө. Айдоочуну жумушка алууда D категориясы бар айдоочулук күбөлүк жана 3 жылдан кем эмес иш тажрыйбасы талап кылынат. Кошумча маалымат алуу үчүн 0312 531 789 телефон номерине кайрылууга болот.