"Быйыл суу транспорту боюнча жакшы иштер аткарылды. Адамдар сууга түшчү жерлерден скутер, чоң жана чакан кемелер алынып, өз-өзүнчө жайгаштырылды. Бул жумуштарды токтотпош керек. Капитандардан сезон алдында текшерип, эрежелер менен тааныштырып кетсеңер деген өтүнүчтөр келет. Алар суу транспортторунун техникалык коопсуздугун карап, нукка салып берүүнү өздөрү суранышат. Ошондуктан министрлер кабинетинин тапшырмасы менен даярдалган "Ички суу транспорту жөнүндө" мыйзам долбоору кабыл алынса жакшы болмок. Кемени долбоорсуз куруп алып, адамдарды ташып жүргөндөр да бар. Эки-үч кишиден аныкталды. Ошондой эле Кытайдан 80 жана 120 кишилик жаңы теплоходдорду алып келишет. Аларга жеке вокзал, пирс куруу үчүн жер бөлүнүп, шарттар түзүлүшү абзел", — деди Айдакеев.