БИШКЕК, 26-сен. — Sputnik. Россиянын президенти Владимир Путиндин атынан Кыргызстандагы элчи Сергей Вакунов БАМдын төрт куруучусуна "Байкал-Амур магистралына 50 жыл" медалын тапшырды. Бул тууралуу РФтин Бишкектеги элчилиги билдирди.
© Фото / пресс-служба посольства РФ в КР
"Валерий Новиков, Жумабай Мурзакматов, Азиз Фазылов жана Рустам Вахитов көп улуттуу совет элинин достугу жана эрдиги менен ажырагыс байланышта болгон легендарлуу темир жолдун курулушу боюнча өз окуяларын айтып беришти", — деп айтылат куттуктоодо.
Вакунов бүгүнкү күндө постсоветтик өлкөлөрдүн экономикасынын жыргалчылыгы үчүн иштеп жаткан ири инфраструктуралык долбоордун ийгиликтүү аякташына ар бир куруучунун салымы чоң экенин белгиледи.