Жугуштуу оорулардын мезгили болот. Жайында ичеги оорулары болсо, суук түшөрү менен сасык тумоо жана курч респиратордук оорулар күч алат. Анын бир нече факторлору бар. Аталган оорулар азырынча туруктуу. Учурда ооругандардын саны өсүп, 4000дей адамдан аныкталды. Сасык тумоонун жана күзгү-кышкы вирустук ооруларды алдын алууда жарандар дагы жоопкерчилтүү болушу керек. Жеке гигиенаны сактоо өтө маанилүү. Аталган ооруларга карата эмдөө иштери дары-дармектер келери менен башталат. Аны алгач өнөкөт оорулары барлар, улгайган адамдар жана медициналык кызматкерлер алат.
Бул тууралуу ооруларды алдын алуу жана мамлекеттик санитардык-эпидемиологиялык көзөмөл департаментинин дарыгери Венера Алымова маалымдады.