БИШКЕК, 22-сен. — Sputnik. Президент Садыр Жапаров бүгүн, 22-сентябрда, Нью-Йорк шаарында (АКШ) БУУнун Башкы ассамблеясынын 79-сессиясынын алкагында өтүп жаткан Келечек саммитинде сүйлөдү.
Өлкө башчынын кебинин урунттуу учурлары:
глобалдык өзгөрүүлөрдүн доорунда биз көп тараптуу кызматташуунун мурда калыптанып калган ыкмаларын кайра карап чыгып, принципиалдуу чараларды көрүшүбүз керек;
пандемия учурдагы кызматташтык механизмдери заманбап чакырыктарга жооп бербей калганын көрсөттү;
дүйнөлүк коомчулук көптөгөн кыйынчылыктарга туш болууда. Анын ичине мигранттардын санынын өсүшү, климаттык коркунучтар, ресурстар менен байлыктардын адилетсиз бөлүштүрүлүшү кирет;
көп тараптуу башкаруу үчүн адилеттүүлүккө таянган жаңы ыкмалар керек;
тез арада чечкиндүү аракеттерди башташыбыз керек, күтүп олтурууга убакыт жок;
туруктуу өнүгүү максаттарына жетүүдөгү биздин тажрыйбабыз көрсөткөндөй, туура көз караш жана саясий эрк менен ресурстары чектелүү кичинекей өлкөлөр да ийгиликке жете алат.