Кыргызстандын экспорттук дараметин жогорулатуу үчүн программа иштелип чыктыМурдагы канцлер Россияны жеңүүгө үмүт арткандарды тарыхты кароого чакырды"Кыргыз маданият сервис" ишканасынын ишмердүүлүгү жаңыланмай болду алдыда кененирээкМинистрлер кабинетинин төрагасы Акылбек Жапаров Маданият, маалымат, спорт жана жаштар саясаты министрлигине караштуу "Кыргыз маданият сервис" мамлекеттик ишканасынын ишмердүүлүгү боюнча бир катар тапшырмаларды берди. Маданият, маалымат, спорт жана жаштар саясаты министри Алтынбек Максүтовдун айтымында, "Кыргыз маданият сервис" мамлекеттик ишканасынын бул имараттарында костюмдарды, декорацияларды, үн жана видео жазуу студияларын жасоочу цехтер түзүлөт жана музыкалык аспаптар, жабдуулар, жасалгалар ушул жайларда сакталат. Мындан тышкары, сактоочу жайлар ведомствонун унааларын тейлөөчү жана эксплуатациялоочу жай болуп калат. Акылбек Жапаров аталган жайды министрликтин балансына өткөрүү маселесин иштеп чыгып, министрликтин башка мекемелери да жайгаша турган оңдоо иштерин жүргүзүүнү тапшырды.
“2024-2028-жылдарга КР экономикасынын агроөнөр жай секторунда соода-логистикалык борборлорду өнүктүрүү программасын бекитүү жөнүндө” КР министрлер кабинетинин токтому кабыл алынды. Министрлер кабинетинен билдиришкендей, токтомду кабыл алуунун максаты эффективдүү заманбап логистикалык системаны түзүү жана өнүктүрүү жолу менен агроөнөр жай экономика секторунун тышкы рыноктордо атаандаштыкка жөндөмдүүлүгүн жогорулатууну камсыз кылуу болуп саналат. Токтомго ылайык, Айыл чарба продукцияларынын рыногун жана экономиканын агроөнөр жай секторунун экспорттук дараметин соода-логистиканы түзүү жана өнүктүрүү жолу менен жогорулатуу максатында орто мөөнөткө программа иштелип чыкты. Программа республикада соода-логистикалык системаны өнүктүрүүгө багытталган мамлекеттик саясатты ишке ашыруу боюнча максатты, негизги артыкчылыктуу багыттарды, милдеттерди жана иш-чараларды камтыйт.
Кыргызстанга акча которулардын дээрлик 93% Россиядан жасалган. Январдан июлга чейин өлкөгө 1 миллиард 671,6 миллион доллар которулса, анын 1 миллиард 552,4 миллион доллары Россиядан келген. Кеп акча которуу системалары, банктык тиркемелер жана электрондук капчыктар аркылуу жеке адамдардын транзакциялары жөнүндө болуп жатат.
Германиянын мурдагы канцлери Герхард Шредер Россияны аскердик жактан жеңүүгө мүмкүн эместигин айтканын РИА Новости жазды. Ал Украинадагы жаңжал боюнча Россия менен сүйлөшүүлөрдү жүргүзүүгө чакырып, тынчтыкка жетүүнүн бирден-бир жолу компромиске баруу экенин айткан. "Мен буга ишенгендерге тарых китептерин окуп чыгууну сунуштайм. Наполеондон баштап Гитлерге чейин жеңилген", — деди саясатчы. Мурдагы канцлер Батыш Россиянын коопсуздук кызыкчылыктарын этибарга албай, Украинадагы жаңжалдын күчөшү кайда алып барарын аңдабай жатканын белгилеген. "Өзгөчө немецтер Экинчи дүйнөлүк согушта Германиянын атынан жасалган кылмыштарды эске алуу менен өзүбүздү кылдат жана конструктивдүү алып жүрүүгө тийишпиз", — деп эскертти ал. Сентябрда Владимир Путин Россия тынчтык сүйлөшүүлөрүнөн баш тартпаганын, бирок мындай сүйлөшүүлөр Стамбулда жазылган келишимдердин негизинде жүргүзүлөрүн айткан.