Бишкекте жол эрежесин одоно бузган автобус айдоочулары иштен алынып жататКытайда НАТОну баш катчысы менен кошо "отставкага кетүүгө" чакырыштыТил комиссиясы кыргыз тилин жеңил үйрөнөм дегендер үчүн тиркеме сунуштады алдыда кененирээкКыргыз тилин жеңил үйрөнөм дегендер үчүн "Кыргызча оңой" / "Easy Kyrgyz" мобилдик колдонмосу иштелип чыкты. Бул тууралуу Мамлекеттик тил жана тил саясаты боюнча улуттук комиссия билдирди.Иш-чараны ачкан комиссиянын төрагасы Мелис Мураталиев программа заман талабына жараша үйрөнүүгө жеңил болуп иштелип чыкканын белгилеген. Долбоордун жетекчиси Данияр Карабаев келген конокторго колдонмону көчүрүп катталуу жолдорун түшүндүрүп, интерактивдүү оюндарды өткөргөн. Колдонмодо кыргыз тилин орус тили аркылуу же англис тили аркылуу жеңил үйрөнүү шарты каралганы белгиленди. Тиркеме Android жана iOS системаларында жеткиликтүү.
Жаңы автобустар айдоочуларга "жакшы колдонгула" деген талап менен тапшырылып жатат. Автобустун абалы, тейлөөнүн сапаты байма-бай текшерилип турат. Бул тууралуу Бишкек шаардык транспорт" муниципалдык ишканасынын жетекчиси Талант Капаров Sputnik Кыргызстан радиосуна маек куруп жатып билдирди."Муниципалдык кызматкерлер шейшемби, бейшемби күндөрү өзүбүздүн жеке автоунааларды токтотуп, коомдук транспорт менен жумушка келебиз. Мэр баш болгон мамлекеттик кызматкерлер коомдук транспортко түшкөндө ошол жерде эмне маселе болсо, видео же сүрөткө тартып кабарлайбыз. Эгер туура эмес токтосо ошол жерден эле видеого тартып, тартиптик комиссияга беребиз.Жалпы 2600 айдоочу бар. Быйыл жол эрежесин одоно бузган 30дай айдоочу кызматтан кетти, ушундай эреже бузган дагы 30дай айдоочунун иши каралууда. Катуу чаралар көрүлүп жатат, себеби адам өмүрү баарынан кымбат", — деди Капаров.Ошондой эле ал жакшы иштеген айдоочуларга сыйлыктар берилип, үлгү тутуларын кошумчалады.
Калаа мэриясы 24-сентябрда саат 9:00дөн 21:00гө чейин Бишкектин айрым жерлеринде суу өчүрүлөрүн эскертти. Бул күнү "Бишкек суу канал" муниципалдык ишканасы "Көк-Жар" суу алгычындагы суу түтүктөрүн оңдойт.Суу өчүрүлө турган аймактар: Темир жол линиясы — Фрунзе көчөсү — Аламүдүн суусу — Панфилов көчөсү; Темир жол линиясы — Матросов көчөсү — Горький көчөсү — Гвардейский көчөсү — Бектенов көчөсү — Скрябин көчөсү — Мавлянов көчөсү — 7-Апрель көчөсү. "Бишкек суу канал" келтирилген ыңгайсыздыктар үчүн шаардыктардан кечирим сурайт жана элди сууну алдын ала камдап алууну суранат.
75 жыл ичинде НАТО тынч жана коркунучсуз тартипти түзүүгө салым кошкон жок. Тескерисинче, ал коопсуздук дилеммаларына себепчи болууда. Мындан улам уюм кызматтан кетип жаткан башкы катчы менен бирге "отставкага" кетиши керек. Бул тууралуу Кытайдын Global Times мамлекеттик басылмасынын жазганына таянып, РИА Новости кабарлады. Белгилей кетсек, НАТОнун азыркы баш катчысы Йенс Столтенбергдин кызматтык мөөнөтү аяктап баратат. 1-октябрда Брюсселдеги НАТОнун штабында ал кызматын Нидерландиянын мурдагы премьер-министри Марк Рюттеге расмий өткөрүп бермекчи. Макаланын авторлору 75 жылдык тарыхында НАТО Европаны да, дүйнөнү дагы тынч, коркунучу жок жашоо менен камсыз кылбаганын, тескерисинче, альянсты кеңейтүү менен коопсуздук дилеммаларына себепчи болуп жатканын белгилешкен.