БИШКЕК, 21-сен. — Sputnik. Министрлер кабинетинин төрагасынын биринчи орун басары Адылбек Касымалиев башында турган Кыргызстандын делегациясы Москва шаарында КМШнын Экономикалык кеңешинин кезектеги жыйынына катышты. Бул тууралуу өкмөттөн кабарлашты.
Жолугушууда экономикалык кызматташтыктын актуалдуу маселелери, шериктештикке мүчө мамлекеттердин соода-экономикалык алакасын жакшыртуу иштери талкууланды.
Отурумдун жүрүшүндө төмөндөгү чечимдерге кол коюлгандыгы айтылды:
КМШга мүчө мамлекеттердин өз ара соодасындагы тоскоолдуктар жөнүндө;
КМШ органдарынын бирдиктүү бюджетинен каржылануучу КМШ органдарынын кызматкерлерине эмгек акы төлөө маселелерин жөнгө салуучу КМШнын ченемдик-укуктук актыларына өзгөртүүлөрдү киргизүү жөнүндө;
Авиация жана аба мейкиндигин пайдалануу боюнча кеңештин жана мамлекеттер аралык авиация комитетинин иши жөнүндө;
КМШга мүчө мамлекеттердин Координациялык транспорттук кеңешменин иши жөнүндө;
КМШнын геопорталын толтуруу жана анын кызматтарынын иштешин камсыз кылуу максатында КМШга мүчө мамлекеттердин ачык колдонуудагы мейкиндик маалыматтарын алмашуу жөнүндө;
Жарандык кеме курууну өнүктүрүү жана кеменин тетиктерин өндүрүү боюнча КМШга мүчө мамлекеттердин кызматташтыгы жөнүндө макулдашуунун долбоору жөнүндө;
2030-жылга чейинки мезгилге жер астындагы сууларды изилдөө, пайдалануу, коргоо жана мониторинг жүргүзүү жаатында КМШга мүчө мамлекеттердин кызматташтыгын өнүктүрүү программасынын долбоорлору жана аны ишке ашыруу боюнча иш-чаралар планы жөнүндө;
КМШга мүчө мамлекеттердин ортосундагы транспорттук комплексти санариптик трансформациялоо жаатында кызматташуу жөнүндө меморандумдун долбоору жөнүндө;
2020-жылдын 6-ноябрындагы Көз карандысыз мамлекеттер шериктештигине мүчө мамлекеттерде радиоактивдүү материалдарды трансчекаралык ташуу жөнүндө макулдашууну ишке ашыруу боюнча иш-чаралар планы жөнүндө;
КМШга мүчө мамлекеттердин 2030-жылга чейинки мезгилге инновациялык кызматташтыгынын мамлекеттер аралык программасын ишке ашыруу жөнүндө;
КМШга мүчө мамлекеттердин базалык уюмдарынын 2022–2024-жылдарга экономикалык чөйрөдөгү иши жөнүндө;
Көз карандысыз мамлекеттер шериктештигине мүчө өлкөлөрдүн терапия жана профилактикалык медицина тармагындагы негизги уюштуруусу жөнүндө;
2023-жылдагы 1979-1989-жылдары Афганстандагы согушта дайынсыз жоголгон аскер кызматкерлерин издөө, көмүлгөн жерлерди издөө, эксгумациялоо, сөөктөрдү таануу жана өз мекенинде кайра көмүү боюнча иш-чараларды 2020-2024-жылдары ишке ашыруу жөнүндө;
2025–2029-жылдары 1979–1989-жылдары Афганстандагы согушта дайынсыз жоголгон аскер кызматкерлерин издөөнү, сөөктөрдү издөөнү, эксгумациялоону, сөөктөрдү таанууну жана өз мекенинде кайра көмүүнү улантуу жөнүндө;
Көз карандысыз мамлекеттер шериктештигинин органдарын жана программаларын каржылоо жөнүндө;
Көз карандысыз мамлекеттер шериктештигинин бирдиктүү бюджети жөнүндө.