БИШКЕК, 20-сен. — Sputnik. ЕАЭБ бажы операцияларынын бирдиктүү стандартын киргизүүнү максат кылууда. Бул тууралуу Евразия экономикалык комиссиясынын бажы кызматташтыгы министри Руслан Давыдов билдирди.
Ал "Евразия экономикалык биримдигине 10 жыл: бажылык башкаруу моделин трансформациялоо" аталышындагы эл аралык илимий-практикалык конференцияда сөз сүйлөгөн.
"Давыдов ЕАЭБде бажы операцияларынын бирдиктүү стандартын киргизүүнү келечектеги приоритет катары белгиледи. Бул 2025-жылга чейин евразиялык экономикалык интеграцияны өнүктүрүүнүн стратегиялык багыттарында каралган", — деп айтылат ЕЭКтин маалыматында.
Ал үчүн навигациялык пломбаларды киргизүү, ЕАЭБдин Бажы кодексин ылайыкташтыруу сыяктуу аракеттерди ишке ашыруу зарыл экени кошумчаланды.
