Учурда өлкөдө био активдүү кошулмаларды башаламан жарнамалап сатуу менен катар аны өзүм билемдик менен ичип жатканыбызды программанын мейманы Бермет Журупова да белгиледи. Анын айтымында, БАДдарды ашыкча пайдалануунун өзү зыян. Тамак-аштарда да БАДдар бар. Био активдүү заттарды дары катары колдонуу да такыр туура эмес жана ар бир витаминдин жана тамак-аштын курамы сыртында так жазылып көрсөтүлүшү керек. Эгер аллергия чакыруучу болуп эсептелсе, ал жагынан эскертүү жазылышы шарт. Бирок бизде көптөрү жазбайт. Учурда экспортко ата-мекендик өндурүштү чыгарууда атайын регламенттерге ылайык тамак-аштардын сапатын жакшыртуу каралууда. Бирок бул жаатта лабораториялар керек.
Муну менен катар тамак-аш изилдөөчү адистер жана БАДдарды илимий изилдөө тармагы аксап турат.