БИШКЕК, 18-сен. — Sputnik. Ысык-Көл облусунун Чок-Тал айылында КМШ өлкөлөрүнүн чек ара ведомстволорунун биргелешкен командалык-штабдык машыгуусу өттү. Бул тууралуу Чек ара аскерлеринин командачыларынын кеңешинин координациялык кызматы билдирди.
Иш-чарага Армения, Беларусь, Казакстан, Кыргызстан, Россиянын чек ара ведомстволорунун жана координациялык кызматынын делегациялары катышты.
“Өздүк курам тылдагы диспетчердик борбордо ишти уюштуруу, документтерди даярдоо, оперативдүү-тактикалык эсептөөлөрдү жүргүзүү, ошондой эле өз ара кызматташууну жана башкарууну уюштуруу боюнча практикадан өтүштү”, — деп айтылат маалыматта.