Кыргыздар өз коомунда аял, эркеке өзүнчө макам берип, социалдык жашоосунда так, даана бөлүп карашкан. Ал тургай жашап турган боз үйү да эр жана эпчи жак деп экиге бөлүнүп, эпчи жака эр кишилер өтө берген эмес.Бул алардын жашоосуна кандай таасирин тийгизген? Гендердик маселелер кантип чечилген? Аялдардын укугу тебеленгенби? Негизи эле байыркы кыргыз доорунда жазылбаган мыйзамдар менен тескелген укук маселеси кандай болгон?
Булар тууралуу бизге кыргызтаануучу Мелис Мураталиев кеп салат.