БИШКЕК, 16-сен. — Sputnik. 17-сентябрда кыргыз-кытай чек арасы бир күнгө жабылат. Бул тууралуу Чек ара кызматынан кабарлашты.
Маалыматка ылайык, чек ара Кытай тараптын демилгеси менен жабылууда.
“Кытайда “Күздүн ортосу майрамын” белгилөөгө байланыштуу “Торугарт” жана “Эркеч-Там” өткөрмө пунктулары 17-сентябрда убактылуу жабылат”, — деп айтылат маалыматта.
Аталган көзөмөл-өткөрмө пунктулары аркылуу адамдарды, транспорттук каражаттарды жана жүктөрдү өткөрүү 18-сентябрдан тарта жанданары кошумчаланды.