БИШКЕК, 16-сен. — Sputnik. Догдурбек Чонтоев Жусуп Баласагын атындагы Кыргыз улуттук университетинин ректору болуп дайындалды. Бул тууралуу президенттин маалымат кызматы кабарлады.
Окуу жайдын мурдагы жетекчиси Төлөбек Абдырахманов өзү жазган арыздын негизинде иштен бошотулган.
Ректорлорду алмаштыруу боюнча жарлыкка президент Садыр Жапаров кол койгон.
Төлөбек Абдырахманов аталган окуу жайды 2022-жылдын август айынан тарта жетектеген.