"Шумкар" трансулуттук ААКсы үч долбоорду ишке ашырат. Анын биринчиси — автожир же болбосо эки орундуу тик учак чыгаруу. Биздин тик учактар бардык жерге коно берет, тоолуу Кыргызстандын шартында колдонгонго абдан ыңгайлуу. 98 үлгүсүндөгү күйүүчү май менен 70 литр куюп, 600 чакырымга жетсе болот. Өзгөчө кырдаалдар учурунда, кырсыкта калгандарды сактоодо, тоолуу аймактарга азык-түлүк жеткирүүдө керектүү транспорт. Анын ар кандай түрлөрү болот. Баасы 60 миң доллардан башталат. Лизингге бир канча жылга бөлүп төлөө менен сатуу жолдору каралууда. Бардык каалаган кыргызстандыктар сатып алса болот. Учуу үчүн атайын даярдыктан өткөрүп, 78 саат ичинде окутуучу борборубуз бар. Мындан сырткары, биздин ишкананын экинчи долбоору — муниципалитеттерге керектелүүчү шаймандык автотранспортторун чыгаруу. Ал эми үчүнчү долбоорубуз мамлекеттин коопсуздук жаатында", — деди Амракулов.