БИШКЕК, 13-сен. — Sputnik. Улуу Британия ИИМинин бөлүктөрүнүн бири атайын операция башталгандан тарта Россияны стратегиялык жактан алсыраткан чабуулду күчөтүүнү координациялоочу атайын кызматка айланды. Мындай бүтүмгө ФСБ бул жаатта алган далил материалга таянып чыгарганын РИА Новости жазды.
"Улуу Британияда Россия багытында жүргүзүлгөн диверсиялык саясатты алардын ТИМинин Чыгыш Европа жана Борбордук Азия директораты жөнгө салып турат. Ал Украинадагы атайын операция башталары менен биздин өлкөнү стратегиялык жактан алсыратуу максатында атайын кызмат катары түптөлгөн", — деп айтылган маалыматта.
РФ ТИМи Улуу Британия элчилигинин саясий бөлүмдөгүлөрүнүн ичинен алты кызматкеринин аккредитациясын токтотту. Маалыматта буларды Москвага директорат жогоруда айтылган багытта жөнөткөндүгү айтылат.
Алардын жүрүм-турумунан, иштеринен зыян келтирүүчү тыңчылык белгилерди табышкан.
ФСБ ушул сыяктуу шек жараткан британиялык дипломаттардын командировкаларын мөөнөтүнөн мурда токтоттурууга аракет кылып жатканын билдирген.
Аккредитациядан айрылгандар:
Жессика Дейвенпорт;
Каллум Эндрю Дафф;
Грейс Элвин;
Кэтрин МакДоннелл;
Блейк Патель;
Томас Жон Хиксон Стевинет.
"Россия-24" телеканалынын эфиринде ФСБ кызматкери бул дипломаттар чет элдик агенттер деп эсептелген бейөкмөт уюмдардын жыйынына өздөрүнүн ден соолугун тобокелге салып катышканын айтышты.
"Коңшу шаардагы бир күндүк сапарга аттанып, аяздуу суукта отуручтагы бир нече сааттык жолугушуу үчүн Третье кольцо менен жүгүргөн түр көрсөтүп, жаанга карабай Москваны, токой-парктарды аралап отуруп барган бул цирктерден, чынын айтканда, тажадык", — деген ал.
Кызматкер алардын мигранттардын кызыкчылыгын колдойбуз деп лобби кылган чет элдик агенттер катары эсептелген бейөкмөт уюмдардын жыйынына коопсуздук органдарынан жашырынып, коомдук транспорттун биринен экинчисине түшүп отуруп же такси менен барышканы да алардын чыдамын түгөткөнүн айткан.
Лондон Россияга дипломатмын деген түр көрсөткөн тыңчыларды жиберип жаткандыгын жана мунусун жаап-жашыруу үчүн жашы жете элек балдарды колдонушарын белгилеген.
Бул Британиянын Россияга тыңчы жиберген иштери билинип калган биринчи окуясы эмес. Февралда атайын кызмат "Британ кеңеши" Херсон облусунда Киев бийлиги үчүн эмнелерди жасап бергендигин таап чыккан. Тагыраагы, ал үчүн Улуу Британияда жашаган украиналык качкындарды колдонушкан.
"Британ кеңеши" расмий түрдө өздөрүнүн башкы максатын аталган өлкөнүн дүйнөнүн башка мамлекеттери менен билим берүү, маданият жана искусство жаатындагы кызматташуусун арттыруу деп жар салып келишет. Бирок иш жүзүнө келгенде бул британиялык атайын кызматтагылар жашырынып иш алып барган уюм экенин айтышты.