ЫСЫК-КӨЛ, 12-сен. — Sputnik. Бүгүнкү күндө финансы институттары ресурсун сактап жээкте отура бере албайт. Бул тууралуу Россия-Кыргыз өнүктүрүү фондунун башкаруучулугунун төрагасы Артем Новиков VI Кыргыз-Россия экономикалык форумунун пленардык жыйынында билдирди.
Эскерте кетсек, иш-чара Ысык-Көлдө өтүп жатат.
Новиковдун айтымында, фонд түзүлгөндөн бери 10 жыл өттү, бул убакыт аралыгында глобалдуу күн тартибинде кыйла өзгөрүү болду.
"Валюта рыногун жөнгө салуунун шарты жаңыланды, жаңы маршруттар пайда болууда, экономикалык мамилелердин фрагментациясы менен регионалдашуусу жүрүп, глобалдуу протекционизм жаңы деңгээлге көтөрүлдү. Муну менен бирге глобалдашуунун базалык принциптеринен четтөө процесси жүрүп жатат. Бүгүнкү күндө финансылык институттар ресурсун кармап четте отура бере албайт. Реалдуу экономиканын доору келди", — деди Новиков.
Эскерте кетсек, былтыр жылдын соңунда Россия президенти Владимир Путин Батыш элитасынын аракети менен түбөлүк деген постулаттар жокко чыканын билдирген. "Тынч жээк" деп саналган европалык юрисдикциялар күчүн жоготкон. Путиндин айтымында, бул жерде эми "өз", анан "өзгө" деген принцип иштей баштаган: бөлөк тарапты карактап, активдерин тоңдуруп, диверсиянын жардамы менен биротоло кыйратып жок кылып койсо да болорун айткан.