БИШКЕК, 10-сен — Sputnik. Кыргызстандын футбол боюнча курама командасы Өзбекстандын футболчуларына 2:3 эсебинде утулуп калды.
Беттештин биринчи таймы жеңиш менен башталган. Тагыраагы, Кыргызстандан Жоэль Кожо атаандаштын дарбазасына топ киргизип эсепти 1:0 кылган. Көп өтпөй Өзбекстан эсепти 1:1 кылып теңеди. Биринчи таймдын аягына чейин командалар дагы бирден топ киргизип эсеп 2:2 болгон.
Тилекке каршы, экинчи таймда Өзбекстан дагы бир гол киргизип, жеңишти камсыз кылышты.
Бул — 2026-жылы өтө турчу дүйнө чемпиондугуна тандоонун үчүнчү раундундагы оюн.
Алдыда улуттук команда Иран, Өзбекстан, Түндүк Корея, БАЭ жана Катар курама командалары менен дагы 8 оюн өткөрөт.
Буга чейин “ак шумкарлар” ирандыктарга жеңилип калган.
Оюнга президент Садыр Жапаров, УКМК төрагасы Камчыбек Ташиев, министрлер кабинетинин төрагасы Акылбек Жапаров башында турган аткаминерлер келишти.