5-сентябрдан тарта Кыргызстанда визасыз режим менен жүргөн 8 мамлекеттин жарандарына карата жаңы тартип киргизилди. Ага ылайык, эми ЕАЭБ өлкөлөрүнүн жарандары (Россия, Казакстан, Армения, Беларусь) 180 күндүк мезгил ичинде КРда каттоосуз 90 күнгө чейин жүрө алышат. Ал эми Тажикстан, Грузия, Азербайжан жана Молдованын жарандары үчүн бул мөөнөт 60 күндүн ичинде 120 күндү түзөт. Жеке максат менен узак убакытка жашаганы келген 8 мамлекеттин жарандарынын каттоо мөөнөтү аяктагандан кийин 60 күнгө узартып берүү мүмкүнчүлүгү каралган. Ошол 60 күндүк убакыттын ичинде убактылуу жашоого уруксат документин алуу үчүн арыздарын өткөрүп, кийинки узартуу документтин негизинде 1 жылга чейин узартылат. Бул тууралуу Калкты каттоо департаментинин миграция бөлүмүнүн башкы адиси билдирди.