"Россия тамаша кылбайт". АКШда украин армиясынын жаза басканынан кийин үн катыштыБишкекте өзбек футболчуларын калпак кийгизип тосуп алыштыСадыр Жапаров чиновниктердин маянасын көтөрүүгө мораторий жарыяладыалдыда кененирээкПрезидент Садыр Жапаров мамлекеттик, муниципалдык кызматкерлердин эмгек акысын көбөйтүүгө мораторий киргизди. Өлкө башчынын тиешелүү жарлыгы "Эркин-Тоо" гезитине жарыяланды. Маалыматка ылайык, чечим бюджетти натыйжалуу жана сарамжалдуу пайдалануу максатында кабыл алынууда. "2024-2026-жылдарга министрликтердин, мамлекеттик комитеттин административдик ведомстволордун, президенттин жана министрлер кабинетинин карамагындагы мамлекеттик органдардын жана уюмдардын, сот системасынын, атайын статуска ээ мамлекеттик бийлик органдарынын, президенттин облустардагы ыйгарым укуктуу өкүлчүлүгүнүн аппаратынын, жергиликтүү мамлекеттик администрациялардын жана өз алдынча башкаруу органдарынын чектүү штаттык санын жана кызматкерлеринин эмгек акысын көбөйтүүгө мораторий белгиленсин", — деп жазылат маалыматта. Айрым категориядагы кызматкерлердин маянасы президенттин өзгөчө чечими менен көбөйтүлүшү ыктымал экени кошумчаланган.
Президенттин маалымат катчысы Аскат Алагөзов дин маселесине байланыштуу чагымчыл, так эмес билдирүүлөрдү жасоодон карманууга чакырды. Ал соцтармактагы баракчасында блогерлердин бирөөсүнүн "дааватка каршы мыйзам кабыл алынууда" деген контексттеги билдирүүсүн мисал келтирип, чагымчыл билдирүү, сурамжылоолорду токтотуу керектигин эскерткен. "Дин маселеси өтө сезимтал. Мыйзам долбоорун дин чөйрөсүндө мыкты түшүнүгү, илими бар аалымдар күн алыс чогулуп кеңири талкуулап, өздөрүнүн сунуштарын беришүүдө. Андыктан коомчулукту дин маселесине байланыштуу чагымчыл, так эмес билдирүүлөрдү жасоодон карманууга чакырам", — деп жазды Алагөзов. Эске салсак, Дин иштери боюнча мамлекеттик комиссия динге байланыштуу мыйзамдарга өзгөртүүлөрдү киргизүүнү сунуштаган. Учурда коомдук талкууда турат.
Кыргыз футбол союзунун өкүлдөрү 8-сентябрь күнү "Манас" эл аралык аэропортунан Өзбекстандын футбол боюнча курамасын тосуп алышты. Коңшу мамлекеттин курамасы Бишкекке 2026-жылкы дүйнө чемпионатынын үчүнчү тандоо раунду алкагында өтө турган Кыргызстан —Өзбекстан беттешине катышуу үчүн келишти.Өзбекстан курамасынын оюнчуларына жана машыктыруучу штабынын өкүлдөрүнө ак калпак кийгизилип, белектер тапшырылды. Эске салсак, оюн 10-сентябрь күнү саат 20:00дө борбор калаанын Дөлөн Өмүрзаков атындагы стадионунда өтөт.
Россиялык аскерлердин Полтава аскердик институтуна чабуул жасашы Украина армиясы үчүн чоң жоготуу болуп калды. Бул туурасында Пентагондун отставкадагы кеңешчиси полковник Дуглас Макгрегор X социалдык тармагына жазганын РИА Новости билдирди. Отставкадагы офицердин айтымында, Полтава аскердик институтуна жасалган чабуул бүт дүйнөгө россиялык аскердик күчтөрдүн олуттуулугун көрсөтүп, стратегиялык туура жүрүш болду. "Россия тамашалап турган жери жок. Чабуул жасалган аскердик институт стратегиялык туура бута болду. Бул жерде куралдануу системалары жана аба техникаларын башкаруу боюнча украиналык офицерлер окуудан өткөрүлгөн", — деп белгиледи ал. РИА Новостиге жогорку кызматтагы аскерий маалымат булагы чабуул учурунда 500 адис каза тапканын, анын ичинде европалык жалданма аскерлер да болгонун белгилешти.