"Маймыл чечеги Кыргызстанда жана Орто Азияда катталган жок. Жыл башынан тартып ооруну алдын алуу үчүн чоң аракеттерди жасап жатабыз. Өзбекстан, Казакстан, Тажикстан жана Кытай менен катташып тургандыктан чек арада 12 санитардык көзөмөл пункту бар. Эгерде эпидемиологиялык абал начарлап кете турган болсо кошумча ачууга даярбыз. Ал жерде эпидемиологдор иштейт, бөлөк өлкөдөн келгендерди тепловизордон өткөрүп жатышат. Тепловизор адамдын дене табы жогорулаганын көргөзөт. Ошол учурда симптомдор аныктала турган болсо дароо өзүнчө изоляциялап, тиешелүү ооруканаларга жөнөтөбүз. Диагнозун тактаганга чейин ошол жакта кармашат. Бүгүнкү күндө бизге эң эле коркунучтуусу сырттан келген жарандар, студенттер болууда. Белгилүү болгондой, Пакистанда бир учур катталган. Ал эми бизде пакистандык студенттер көп. Ошондуктан өлкөгө кирип-чыккандар сөзсүз медициналык кароодон өткөрүлүп, лабораториялык изилдөөлөр жүргүзүлөт. Маймыл чечегине тестти өзгөчө Африка өлкөлөрүнө кирип-чыккандар тапшырышат", — деди Суранбаев.