Кыргызстанга төлөмдөрдү которуунун жаңы тартиби финансылык агымдардын ачыктыгын камсыз кылуу жана транзакциялардын баасын төмөндөтүү максатында иштелип чыкты. Бул тууралуу РИА Новостиге экономика жана коммерция министри Данияр Амангелдиев билдирген.Буга чейин Улуттук банк коммерциялык банктарга бир өлкөдөн экинчисине өтүп жаткан, башкача айтканда, Кыргызстандын аймагына кирбеген товар, кызмат, жумуштар үчүн төлөмдөрдү которууга тыюу салган."Бул соода агымын тартипке келтирүү үчүн жасалды. Товарлар өлкөгө кирбегени ишкерлерге жардам берет. Банктар үчүн баары ачык болуп, шектүү транзакцияларды токтото алат", — деп түшүндүрдү Амангелдиев. Анын айтымында, атайын мамлекеттик компания түзүлүп, ал которууларды талаптагыдай жүргүзүүнү камсыз кылат. Министр "которуулар банктарга караганда арзаныраак болорун" белгиледи.Мында учурдагы төлөмдөргө эч кандай чектөөлөр болбойт. Банктарга финансылык операциялардын айкындыгына кепилдик берүү менен талаптарды сактай алат. Амангелдиев белгилегендей, бул транзакциялардын ачыктыгын жана жөнөкөйлүгүн камсыздайт.
Башкалар Россия менен байланышкан нерселерди жокко чыгарып жатат деп биз алаканы үзүп кое албайбыз. Бул тууралуу министрлер кабинетинин төрагасынын орун басары Эдил Байсалов Түркиянын ЖМКларынын бирине берген маегинде билдирди.Ал Россия Кыргызстандын негизги соода өнөктөштөрүнүн бири экенин белгилеген."Санкциялар шартында жашап жатабыз, айрыкча, банк секторубуз. Бирок өз позициябыздан кайтпаганга аракет кылабыз. Кыргызстан дүйнөдөгү геосаясий оюндарга аралашпайт, алардын улуттук өнүгүүбүзгө тоскоол болушуна да жол бербейт. Биз өлкө ичиндеги өнүгүүгө басым жасап, глобалдык чыр-чатактарда бир тарапка жан тартпайбыз. Россия менен Кыргызстан стратегиялык өнөктөш. Бул мамлекет менен экономикалык жана аскердик байланышты бекем сактайбыз", — деген Байсалов.Минкаб төрагасынын орун басары эл аралык деңгээлде Кыргызстан бардык өнөктөштөр менен мамилени бекем кармоого аракет кыларын, украин кризисин башынан тынчтык жолу чечүүгө чакырып келгенин кошумчалаган.
Соцтармакта Караколдо тартылган делген видео тарады.Анын автору суу бетиндеги тактар кеменин майы болушу ыктымал экенин божомолдогон.Жаратылыш ресурстары министрлигинин облустук башкармалыгынын башчысы Максат Кыштообаев окуя боюнча төмөнкүдөй түшүндүрмө берди."Жыл сайын июлдун аягынан сентябрга чейин көл жээгинде өскөн карагайлардын пырларын шамал учурат. Ал чогулганда майга окшоп калат. Бул кадимки көрүнүш. Биз суунун анализин алдык, жыйынтыгы бир жумадан кийин белгилүү болот", — деген Кыштообаев.
АКШнын экс-президенти Дональд Трамп Владимир Путиндин алдыдагы шайлоодо Камала Харриске колдоо көрсөтүү чечими катуу тийгенин айтты. Бул тууралуу РИА Новости жазды.Эскерте кетсек, РФ лидери Владимир Путин Чыгыш экономикалык форумунун пленардык жыйынында сүйлөп жатып Москва АКШда боло турчу президенттик шайлоодо учурдагы өлкө башчы Жо Байден сунуштагандай Камала Харристи колдой турганын билдирген. Анын айтымында, демократтардан чыккан талапкердин шатыра-шатман күлкүсү баары ойдогудай дегенди түшүндүрөт. Экс-президент РФ башчысы эмнеге мындай чечим чыгарганына да кызыгып, аны шахматист деп атаган. Трамптын баамында, Путин бул билдирүүсүн какшык иретинде да айтышы мүмкүн. Президенттикке талапкер буга маанай чөгөрбөй турганын белгиледи.