БИШКЕК, 6-сен. — Sputnik. Исфахан шаарында өткөн футболдук беттеште Кыргызстандын командасы Иранга 1:0 эсебинде утулуп калды.
Кийинки оюн эми 10-сентябрда Бишкекте болот. Анда "ак шумкарлар" өзбекстандык футболчулар менен беттешет. Бул — 2026-жылы өтө турган дүйнө чемпионатына үчүнчү тандоо раундунун алкагындагы оюндар.
Бүгүнкү беттешти бишкектиктер "Ала-Тоо" аянтында уюштурулган фан-зонадан көрүп, курама командага жан үрөп турушту.