Андрей Стенин атындагы юбилейлик сынактын жеңүүчүлөрү белгилүү болду. Сүрөттөр

1 / 9

Эл аралык калыстар тобу "Адамдын көзүнө кароо" сериясындагы аутист балдар жана алардын жакындары тууралуу эмгеги үчүн юбилейлик эң жогорку сыйлык берүүнү чечти

Анна Плюснина мындай өзгөчө балдар менен инклюзивдүү чеберканада сабак өткөндө иштешкенин айтып берген.

"Алар энелери менен сабакка келген өспүрүмдөр эле. Аутизм сыртынан караганда дайыма эле көрүнө бербейт, ар кандай кыймыл-аракеттен кийин байкалышы мүмкүн. Эрте диагноз коюу жана аларга айырмаланган өзгөчөлүктөрү менен бул дүйнөдө өз ордун табууга жардам берүү өтө маанилүү. Мындай кадам алар башкалардан айырмаланган жерлерде потенциалын жана мүмкүнчүлүгүн ачууга чоң жардам берет", — деген сүрөткер.

Ал балдардын энелерине, алардын каармандыгына жана күчтүүлүгүнө баа берген.

2 / 9

"Портрет. Биздин замандын баатыры" номинациясына сүрөттөр сериясы коюлган

Гран-при менен кошо 2024-жылдагы кыска тизменин катышуучуларынын байгелүү орундары да жарыяланды.

Индиялык Ражендра Пандейдин (Rajendra Pandey) "Кемсинтилген жесирлер" аттуу эмгеги аймактагы аялдарга өз үй-бүлөсү тарабынан ырайымсыз мамиле жасалганын баяндаган

3 / 9

"Негизги жаңылыктар" боюнча Новосибирскилик Владислав Некрасовдун "Анын милдети" эмгеги жеңди. Фото чебери "Уральские авиалинии" компаниясынын учагын ай талаага муктаждыктан улам кондурган каарман пилотту тарткан.

4 / 9

Ушул эле номинацияда биринчи орун италиялык Фредерик Желинаска (Frederique Gelinas) "Агава убактысы" аттуу сүрөттөр сериясы үчүн ыйгарылды. Анда мескаль өндүрүү үчүн колдонулган агава өсүмдүгүнүн сорту жөнүндө сөз болот.

5 / 9

Спорттук номинацияда бангладештик Мохаммад Сумандын "Читтагондун кир жерде ойногон балдары" деп аталган эмгеги биринчи орунга татыган. Анда шаарда кичинекейлер ойногонго аянт жок деген көйгөйдү көтөрүп чыккан.

6 / 9

"Менин планетам" боюнча италиялык Паула Хесус Бриньярделлонун (Paula Jesus Brignardello) тарткан "Жашыл болсо да жашоонун түсү эмес" деп аталган эмгеги сыйлыкка татыды. Жан сактоо үчүн тамактануу эле эмес, ар бир тарткан дем да кыйын болуп баратат деген нерсени айткысы келген.

7 / 9

"Менин планетам" номинациясында бангладештик Мосфикур Рахман Жохан тарткан "Прогресске чейинки жашоо боюнча эскерүүлөр" сүрөтү сыйлыкка илинди. Анда бала чактын көкүрөктө калган элестери чагылдырылган.

8 / 9

"Портрет. Биздин замандын баатыры" номинациясында россиялык, индиялык чеберлердин эмгеги да жогору бааланды. "Балдар коркуп жатат да, мен ата эмесминби" деген сүрөт новосибирскилик Александр Ощепковго таандык. Ал азербайжандык жүк ташыгыч Рза Рзаевди автокырсык учурунда кайнак суунун алдынан балдарды алып өтүп бараткан учурда тартып калган. Бул окуядан кийин шаардыктар ага ыраазылык иретинде мекенине барып келүү үчүн билетке чогултуп берген акчаны балдар үйүнө которгон.

9 / 9

"Үстүртөн алгандагы көрүнүш. Жалгыздап тартылган сүрөт" номинациясында да кайдыгер калтырбаган сүрөттөр тандалган. Мьянмалык Аунг Чан Тар (Aung Chan Thar) "Лилия гүлдөрү" эмгеги үчүн сыйлык алды. Вьетнамдын жашоочулары таңда суудан лилияны алып жаткан учур тартылган.

Бул эл аралык фотожурналистика боюнча Х сынактын баш байгесин санкт-петербургдук сүрөтчү Анна Плюснина жеңип алды.

Москвадагы салтанат адаттагыдай эле сынакта жеңген эмгектердин турнесин баштап берет. Эл аралык роуд-шоу Эфиопиянын, Сербиянын жана Аргентинанын галереяларында элге тартууланмакчы. Турненин географиясы дагы кеңее тургандыгын айтышууда.

Конкурс тууралуу

"Россия сегодня" эл аралык медиатобу уюштуруп, РФтин ЮНЕСКО иштери боюнча комиссиясы колдоого алган сүрөттөрдү чогулткан Андрей Стенин атындагы сынактын максаты — жаш фотографтарды колдоо, учурдагы фотожурналистикага коомчулуктун көңүлүн буруу. Бул — жаш сүрөтчүлөрдүн, таланттуулардын, жаңычылдыкты илип кеткен сезимтал жана ачык балдардын аянтчасы. Бул жерде алар биздин көңүлүбүздү айланабызда эле жашап жаткан адамдарга, болуп жаткан окуяларга бурат.

Быйыл эл аралык бир нече ЖМК өнөктөш болду: Sputnik маалымат агенттиги жана радиосу, RT телеканалы жана порталы, Independent Media медиахолдинги (Түштүк Африка Республикасы), ANA жаңылыктар сайты (Түштүк Африка Республикасы), Shanghai United Media Group (SUMG) (Кытай), China Daily гезитинин интернет-порталы, The Paper интернет-порталы (Кытай), Al Mayadeen медиатармагы (Ливан).

Тармактык статусундагы өнөктөш катары сынакты колдогондор: Россиянын журналисттер союзу, YOung JOurnalists (Россия) маалыматтык порталы, Russian Photo (Россия) порталы, Photo-study.ru (Россия) порталы.