БИШКЕК, 2-сен. — Sputnik. "Евразия" автономдуу бейөкмөт уюму менен Кыргызстандын министрлер кабинети кызматташууга кол койду. Бул тууралуу Россиянын Кыргызстандагы элчилиги билдирди.
Келишим салттуу баалуулуктарды сактоого жана бекемдөөгө багытталган долбоорлорду ишке ашырууну көздөйт.
Тараптар маданий жана гуманитардык чөйрөдө, анын ичинде улуттук каада-салт, тил, саламаттык сактоо, илим, билим берүү, маалымат жана массалык коммуникациялар, спорт, туризм, жаштар менен иштөө боюнча маселелерде биргелешкен долбоорлорду ишке ашырмакчы.
Кол коюу аземине Россия тараптан катышкандар:
Мамдуманын төрагасынын орун басары Борис Чернышов;
Мамдуманын депутаты, “Евразия” уюмунун кеңешинин төрайымы Алена Аршинова;
РФтин КРдеги иштери боюнча ишенимдүү өкүлү Вадим Гусев.
Кыргыз тараптан катышкандар:
министрлер кабинетинин башчысы Акылбек Жапаров;
билим берүү министри Догдуркүл Кендирбаева;
маданият министри Алтынбек Максутов;
экономика министри Данияр Амангелдиев;
Бишкек мэри Айбек Жунушалиев;
Инвестициялар боюнча улуттук агенттиктин директору Таалайбек Иманов.
"Евразия" уюму ЕАЭБ өлкөлөрүндөгү билим берүү мекемелерине байма-бай колдоо көрсөтүп турмакчы.