БИШКЕК, 2-сен. — Sputnik. Нарында мыкаачылык менен бычакталып жаткан аялды 24 жаштагы милиция кызматкери куткарып калган. Бул тууралуу Нарын ОИИБден билдиришти.
Маалыматка ылайык, милициянын ага лейтенанты Жеңиш Муканбетов ошол учурда өз иштери менен жүрүп, ызы-чуудан улам ашканага чуркап кирген.
Эске салсак, 31-август күнү Нарын шаарынын борбордук базарында жайгашкан ашканын ичинен 42 жаштагы киши аялына бир нече ирет бычак сайган.