Бишкекте "Ынтымак ордого" экскурсия башталдыУлуттук банк “Кыргыз сом” мобилдик тиркемесин ишке киргиздиМухтарбек Баймурзаев эмгек министринин биринчи орун басары болуп дайындалдыалдыда кененирээкБаймурзаев Мухтарбек Арапбаевич эмгек, социалдык камсыздоо жана миграция министрлигинин борбордук аппаратына министрдин биринчи орун басары болуп дайындалды. Ведомстводон маалымдашкандай, тиешелүү текскемеге министрлер кабинетинин төрагасы Акылбек Жапаров кол койду. Мухтарбек Баймурзаев Эмгек, социалдык камсыздоо жана миграция министрлигинин борбордук аппаратынын эмгек жамаатына тааныштырылды.
Эмгек, социалдык камсыздоо жана миграция министрлиги Санкт-Петербург шаарынан ата-энесинин камкордугусуз калган 3 жана 6 айлык эки баланы Кыргызстанга кайтарды. Бул тууралуу ведомствонун басма сөз кызматы билдирет. Балдардын кайтарылышы Кыргызстандын Санкт-Петербург шаарындагы башкы консулдугу жана КР Саламаттык сактоо министрлигинин жардамы менен уюштурулган. Министрликтин маалыматы боюнча, акыркы үч жылда кароосуз калган 38 жашы жете элек кыргызстандык мекенине кайтарылды. Бардык кайтарылган балдар үчүн Министрлик биологиялык үй-бүлөлөрү менен бириктирүү жана баланын абалын, анын ичинде социалдык, медициналык, психологиялык жана укуктук колдоо маселелерин комплекстүү баалоо боюнча иштерди жүргүзөт
Бишкек — Нарын — Торугарт жолунун 51-чакырымындагы жол кырсыгынан каза болгондордун саны 10го жетти. Маалыматты Саламаттык сактоо министрлигинин Чүй облусундагы координатору Алмаз Назарбеков тастыктады. Анын айтымында, кырсыктан жабыркагандардын бешөө Токмокто, бирөө Бишкекте, бирөө Канттагы ооруканада. Үрөй учурган кырсык 1-сентябрда Бишкек — Нарын — Торугарт жолунун 51-чакырымында, тагыраагы, Чүйдөгү Ивановка айылынын тушунда болуп, 5 машина (экөө бус) кагышкан. Буга чейин жети кишинин көз жумганы айтылган болчу.
"Ынтымак ордого" экскурсия башталды. Бул тууралуу президенттин администрациясы билдирди. Маалыматка караганда, каалоочулар 2-сентябрдан тарта дүйшөмбүдөн ишембиге чейин жаңы Ак үйдүн ичин көрө алат. Бул үчүн өздүгүн тастыктаган документи болушу керек. "Имаратка бир учурда 20 мейман кирет. Алар атайын журналга катталып, кайра экинчи жолу кире албайт. 20 адам экскурсиядан чыккан соң кезектеги кийинки 20 адамга уруксат берилет. Аларды коштоп, залдарды көрсөткөн кызматкер болот", — деди администрация. Экскурсия саат 9:00дөн 17:00гө чейин өтөт.
Кыргызстанда “Кыргыз сом” мобилдик тиркемеси ишке киргизилди. Улуттук банктан билдиришкендей, “Кыргыз сом” мобилдик тиркемеси 2023-жылдын үлгүсүндөгү банкноттордун коргоо элементтерин интерактивдүү форматта көрсөтөт. Мобилдик тиркемеде жаңы, бешинчи сериядагы банкноттордун коргоо элементтерин жарыкка салып караган учурда, жантаюу бурчун өзгөртүп жана лупаны колдонууда кантип текшерүү керектигин түшүндүрүп берет. Өлкөнүн башкы банкынан белгилешкендей, мобилдик тиркеме 2023-жылдын үлгүсүндөгү улуттук валютанын банкнотторунун коргоо элементтери менен таанышуу максатында гана иштелип чыккан. Мобилдик тиркеме банкноттордун аныктыгын текшербейт.ЭМИ ВАЛЮТА КУРСУ МЕНЕН ТААНЫШЫП АЛЫҢЫЗДАР Улуттук банктын билдирүүсү боюнча ушул тапта: 1 АКШ доллары 84 сом 91 тыйынга 1 евро 94 сом 5 тыйынга 1 рубль 92 тыйынга Казак тенгеси 18 тыйынга барабарМУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 66 сом 90 тыйындан баштап, 68 сом 40 тыйынга чейин, Аи 95 үлгүсүндөгү күйүүчү май 73 сом 90 тыйындан тарта, 75 сом 40 тыйынга чейин, дизель майы 74 сом 80 тыйындан, 75 сом 30 тыйынга дейре, ал эми унаа газынын литри 36 сом 20 тыйындан сатылууда. АБА ЫРАЙЫ3-сентябрга караган түнү жаан-чачын күтүлбөйт. Түндүк-батыштан соккон шамалдын ылдамдыгы секундасына 4-9 метрге жетет. 3-сентябрь, шейшембиде күндүз тоолуу райондордо жаан жаашы күтүлөт. Дыйканчылык аймактарда күн ачык болот. Мындай маалыматты Кыргызгидромет таратты. Абанын температурасы Чүйдө +22...+27, Талас жергесинде +19...+24, Ош, Жалал-Абад жана Баткенде +26...+31, Ысык-Көл облусунда +17...+22, Нарын өрөөнүндө +18...+23 градус жылуу болот. Күндүн табы борбор калаада +25...+27, Ош шаарында +29...+31 градус жылуу болот.