БИШКЕК, 31-авг. — Sputnik. Бишкекте эр жүрөктүк кылган кайгуулчу Айбек Кенжегулов сыйланганын Милициянын кайгуул кызматынан кабарлашты.
Билдирмеге караганда, Кенжегулов 12-августта Ысык-Көл районунун Темир айылында өмүрүн тобокелге салып, сел каптап жаткан үйдөн тургундарды жана балдарды чыгарууга жардам берген.
Мындан тышкары, 28-августта Бишкекте өрттөнүп жаткан автонунааны Өрт өчүрүү кызматы келгенге чейин өчүргөнгө жардам берген.
Кайгуулчунун эмгеги үчүн ага акчалай сыйлык, баалуу белек жана жаңы форма берилгени кошумчаланды.