Камчыбек Ташиевге «генерал-полковник» аскердик наамы ыйгарылдыӨлкөдө жарандык паспортту акысыз алмаштыруу акциясы жыйынтыкталдыСадыр Жапаров Кыргызстанда чыгарылган продукциялардын көргөзмөсүнө бардыалдыда кененирээкПрезидент Садыр Жапаров бүгүн, 31-августта, Бишкек шаарындагы Турдакун Усубалиев атындагы аянтта ата мекендик продукциялардын көргөзмө-жарманкесине катышты. Бул тууралуу өлкө башчынын маалымат кызматы кабарлады. Иш-чара Кара-Кыргыз автономиялуу облусунун түзүлгөндүгүнүн 100 жылдыгына жана Кыргыз Республикасынын Эгемендүүлүк күнүнө арналган.Көргөзмөгө тамак-аш, айыл чарба, текстиль, кол өнөрчүлүк, оор өнөр жай жана автомобиль өнөр жайы сыяктуу тармактарда иштеген 100дөн ашык ата мекендик компаниялардын товарлары коюлганы айтылды. "Мамлекет башчы көргөзмөдөгү продукциялар менен таанышып, ири эл аралык рыноктордо "Кыргызстанда жасалган" деген брендди илгерилетүүнүн жана экспорттун көлөмүн көбөйтүүнүн маанилүүлүгүн белгиледи. Мындан тышкары, экономиканы чыңдоо, жаңы жумуш орундарын түзүү жана ички жана тышкы рыноктордо продукциянын атаандаштыкка жөндөмдүүлүгүн жогорулатуу максатында мамлекет ата мекендик өндүрүүчүлөргө ар тараптуу колдоо көрсөтүүнү улантарына токтолду", — деп айтылат билдирүүдө.
Эгемендүүлүк күнүнө карата Садыр Жапаров ар тармакта эмгектенген кыргызстандыктарга мамлекеттик сыйлыктарды тапшырды. Президенттин жарлыгы менен УКМКнын төрагасы Камчыбек Ташиевке «Генерал-полковник» жогорку аскердик наам ыйгарылды. Бул эң жогорку сыйлык болуп саналат. Кечээ, 30-августта «Ынтымак Ордо» жаңы имаратынын ачылышында да президент УКМК төрагасынын жүргүзүп жаткан иш-аракеттерине жогорку баа берген.
Нуржигит Кадырбековдун ордуна жаңы депутат келди. ЖКга жаңы депутат келди. Ал 39 жаштагы Эрнис Айдаралиев. “Ыйман нуру” фракциясынан депутат Нуржигит Кадырбековдун берген арызына байланыштуу БШК аны мандатынан ажыратты. Мыйзам боюнча тизмедеги кийинки талапкер ЖКга депутат болуп келди. БШК ага депутаттык күбөлүк жана төш белгисин тапшырды. Эрнис Айдаралиев 39 жашта, кесиби боюнча экономист, Ж.Баласагын атындагы улуттук университетин бүтүргөн. Кичи мекени Алай району. Ал 2018-ж тарта президенттин аппаратына караштуу Мамлекеттик курулуш департаментинде иштеп келген.
Санариптик өнүктүрүү министрлигинин басма сөз кызматы 30-августта 2004-жылкы үлгүдөгү ички паспортторду акысыз алмаштыруу боюнча акция жыйынтыкталганын билдирди. Мекеменин маалыматына ылайык, 1-июлдан бери эски үлгүдөгү ID-карт паспортун алмаштыруу үчүн 100 миӊдей кишиден арыз түшүп, 74 миӊден ашык жаранга жаӊы паспорт берилген. Президент Садыр Жапаров буга чейин Кыргызстандын паспорттору өлкөнүн өзүндө чыгарылып, бериле баштаганын жазып, элди 2004-жылкы үлгүдөгү паспортторду 30-августка чейин жаӊысына бекер алмаштырып алууга чакырган. Акция бүткөндүгүнө байланыштуу эми паспорт адаттагыдай эле өз баасына - 600 сомдон алмаштырылат.
Кечинде "Ала-Тоо" аянтында майрамдык концерт саат 20:00дө башталса, дрон шоу 21:30да көрсөтүлөт. Кыргыз эстрада жылдыздары Мирбек Атабеков, Нурлан Насип, Бек Борбиев, Гүлнур Сатылганова, Гүлзинат Суранчиева, Омар жана Амирчик, казакстандык Роза Рымбаева, россиялык Стас Михайлов, Люся Чеботина жана Филипп Киркоров, швециялык Bosson тобу, италиялык In-Grid өзүнүн балет тобу менен кыргызстандыктарга майрамдык маанай тартуулашат.