V Дүйнөлүк көчмөндөр оюндарына спортчулардын формасы даяр болдуЭлчи Украина Курскиде кооптуу куралдарды колдонуп жатканына коңгуроо кактыБишкек милициясы бүгүндөн тарта 3-сентябрга чейин күчөтүлгөн тартипте иштейталдыда кененирээкКара-Кыргыз автономиялуу облусунун түзүлүшүнүн 100 жылдыгы, Эгемендүүлүк майрамы жана жаңы окуу жылынын башталышынан улам Бишкек милициясы бүгүндөн тарта күчөтүлгөн режимге өттү. Бул тууралуу ИИМ кабарлады. Маалыматта мындай режим 3-сентябрга чейин улана турганы айтылган. Бүгүн өздүк курамдын саптык кароосу өткөрүлгөн. Анда ШИИБ башчысы Азамат Токтоналиев кызматкерлердин даярдыгын, автомототранспорттун абалын көрүп чыкты. Ошондой эле интсруктаж өткөрүлгөнү белгиленди. "Милиция 30-августтан тарта 3-сентябрга чейин күчөтүлгөн тартип режимине өттү. Шаардагы коомдук тартипке 4000 кызматкер көз салат. Ал эми жаңы окуу жылы башталган 2-сентябрь күнү 1000 кызматкер иштейт", — деп айтылат маалыматта. ИИМ элге да кайрылып, майрам күндөрү коомдук тартипти сактоого чакырды. Мас болуп аянтка келүүгө, майрам өтүп жаткан жерге алкоголь ичимдиктерин алып өтүүгө тыюу салынары эскертилди.
V Дүйнөлүк көчмөндөр оюндарына катыша турган Кыргызстандын курама командасынын параддык жана спорттук экипировкасы даяр болду. Бул тууралуу Дене тарбия жана спорт департаменти билдирди.Белгилей кетсек, 8-сентябрдан 13-сентябрга чейин Астана шаарында V Дүйнөлүк көчмөндөр оюндары өтөт. Ага Кыргызстандан 183 спортчу катышат. "Параддык жана спорттук экипировканы ата мекендик компания даярдады", — деп айтылат маалыматта. Парадга калпак, блейзер-пиджак, поло футболка, шым тигилсе, спорттук форма үчүн кепка, бомбер куртка, футболка, карго шым, спорттук бут кийим, рюкзак даярдалган.
Украина Курскиде турак жайларды шрапнелдүү снаряддар менен аткылап жатат. Бул туурасында ТИМдин Киев режиминин кылмыштары жаатындагы өзгөчө тапшырмалар боюнча элчиси Родион Мирошник билдиргенин РИА Новости жазды. Ал Курскиде жай жарандар менен жолуккан. "Украина куралдарында шрапнелди, диаметри беш-алты миллиметр болгон кичинекей, оор шариктерди пайдаланып жатышат. Ушундай жол менен аткыланган кадимки эле менчик короолордун биринде болдум. Ал жерде бул шариктер кирип, талкалап кетпеген жер да калбагандай", — деп айтып берген ал. Элчинин айтымында, бир эле ракета мындай тогуз миңден ашык шариктерди алып жүрө алат. Ал кайсы бир аймактын үстүндө жарылганда эч нерсе, бир дагы айнек соо калбай, машиналар электей тешилгенин белгилеген. Тегеректеги дубалдар аткыланып, газ куурунун кырктан ашуун жери тешилгенин кошумчалаган. Мирошник мындай куралдын жай жарандарга каршы колдонулушу акылга сыйгыстыгын айткан.
Франциянын бийлиги Telegram мессенжеринин негиздөөчүсү Павел Дуровду АКШ президенти Жо Байдендин администрациясынын макулдугусуз кармай алмак эмес. Бул тууралуу америкалык журналист Такер Карлсон өзүнүн программасында билдирди. "Бул олуттуу кадам. Макрон муну Байдендин администрациясынын колдоосу же макулдугусуз жасай аларына ишенүү өтө кыйын", — деди ал.