Россия Кыргызстандын ИИМине түрдүү техника белек кылдыЫсык-Көлдө кайрадан сел жүрүшү мүмкүн. ӨКМдин эскертүү бердиНуржигит Кадырбеков депутаттык мандатын тапшыруу боюнча арыз жазды алдыда кененирээкНуржигит Кадырбеков Борбордук шайлоо комиссиясына Жогорку Кеңештеги депутаттык мандатын тапшыруу боюнча арыз жазды. Бул тууралуу БШК билдирди. Эл өкүлү соцтармактагы баракчасына "Алла Таалам көрүп турат, эң башкысы, башкаларга зыяныбыз тийбесин" деп жазган. Эске салсак, Кадырбеков буга чейин УКМКга сурак берип чыккан. Ал "Ыйман" фонду боюнча күбө катары көрсөтмө бергенин билдирген.
Россиянын Ички иштер министрлиги кыргызстандык кесиптештерине белекке автоунааларды, дрон, радиостанцияларды жана башка техника берди. Бул тууралуу РФтин элчилиги билдирди. Салтанатка ички иштер министри Улан Ниязбеков, элчи Сергей Вакунов жана Россия ИИМинин өкүлү Антон Кочетов катышкан."Берилген жабдуулар Баңгизатты мыйзамсыз жүгүртүүгө каршы күрөшүү кызматынын ишин жакшыртып, Кыргызстандын аймагындагы жана евразиялык интеграциялык бирикмелердин чектериндеги коопсуздукту чыңдоого салым кошот деп ишенем", — деди Вакунов. Кыргыз тарап Россиянын негизги стратегиялык өнөктөшү болгон ар тараптуу колдоосун жогору баалай турганын белгиледи. Машиналар менен жабдуулар баңгизаттарды мыйзамсыз жүгүртүүгө каршы күрөшүүдө каржылык, материалдык-техникалык жана уюштуруучулук жардам көрсөтүү боюнча келишимдин алкагында берилди. Макулдашууга ылайык, Россиядан 2024-2025-жылдар аралыгында 627 миллион рубль өлчөмүндө акысыз жардам көрсөтүлөт.
Ысык-Көл жана Тоң райондорунун селден жабыркаган жашоочуларына өкмөттөн гуманитардык жардам жеткирилди. Бул тууралуу ӨКМ кабарлады. Мекеменин маалыматында, элге биринчи сорттогу 21,95 тонна ун, 4 390 тонна кумшекер, 4 390 литр өсүмдүк майы жана 8780 банка эт консервасы берилген. Ал аралыкта министрлик Ысык-Көлдүн тоолуу жана тоо этектериндеги райондорунда 2-сентябрда сел жүрүшү мүмкүндүгүн билдирет. ӨКМ бийик тоолорго саякаттоону, капчыгайларда, дарыя жээктеринде эс алууну башка күндөргө жылдырууну сунуштайт. "Өзүңүзгө жана жакындарыңыздын коопсуздугуна кам көрүңүз!" — деп айылат маалыматта. Өзгөчө кырдаалдын күбөсү болгондор дароо күнү-түнү акысыз иштеген 112 кызматына кабарлашы керек.
Евробиримдиктин ТИМ башчылары Украина армиясынын Россиянын түпкүрүнө сокку урушуна салынган тыюуну алуу боюнча бирдиктүү чечимге келген жок. Бул туурасында ЕБ дипломатиясынын башчысы Жозеп Боррель Брюсселдеги бейрасмий жыйындын жыйынтыгын чыгарып жатканда айтканын РИА Новости жазды. "Министрлер коюлган чектөөнү алып салууну талкуулады. Бул ар бир өлкөнүн (мүчө) өзүнүн чечими болуп калсын деген жыйынтык болду. Бир даары Украинага такыр эле курал бербөө чечимин кабыл алышты... Биз европалык бирдиктүү позицияга келген жокпуз", — деди ал. Аткаминер муну менен катар эле ЕБдин бир топ мамлекеттери Украинанын Курскидеги операциясын колдойт деп билдирди.
Португалиялык футболчу Криштиану Роналду Европа футбол ассоциациялар биримдигинен "Чемпиондор лигасынын тарыхындагы мыкты чабуулчу" аталып сыйлык алды. Бул тууралуу РИА Новости жазды. Сыйлык тапшыруу аземи 29-август күнү Монакодо 2024-25-сезонунун Чемпиондор лигасынын негизги этабы үчүн чүчү кулак тартуунун алкагында өткөн. UEFA президентинин сыйлыгын Роналдудан тышкары Италия курама командасынын дарбазачысы Жанлуиджи Буффон да алган.