БИШКЕК, 28-авг. — Sputnik. Кыргызгидромет бүгүн, эртең өлкө аймагында нөшөрлөп жамгыр жаашы мүмкүн экенин кабарлап, ӨКМ сел жүрүп, таш кулашы мүмкүн деген кооптуу жерлердин тизмесин жарыялады.
Бишкек – Ош жолунун 140-200-чакырымдарында;
Балыкчы – Чолпон-Ата – Каракол жолунун 155-170-чакырымдарында;
Талды-Суу – Арал жолунун 4-15-чакырымдарында;
Ош – Раззаков жолунун 40-100-чакырымдарында;
Кербен – Ала-Бука – Каныш-Кыя жолунун 2-13, 22-24-чакырымдарында.
Андан сырткары, министрлик төмөнкү облустардын бир катар райондорун кошту:
Баткен облусунун Баткен, Лейлек, Кадамжай райондорунда;
Жалал-Абад облусунун Аксы, Токтогул, Ала-Бука, Ноокен, Тогуз-Торо жана Базар-Коргон райондорунда;
Ош облусунун Кара-Кулжа, Ноокат жана Кара-Суу райондорунда;
Ысык-Көл облусунун Жети-Өгүз, Ысык-Көл жана Түп райондорунда;
Чүй облусунун Аламүдүн, Жайыл, Ысык-Ата, Чүй, Сокулук, Москва жана Панфилов райондорунда;
Нарын облусунун Ак-Талаа жана Жумгал райондорунда;
Талас облусунун Ч.Айтматов, Манас, Бакай-Ата, Талас райондорунда да сел жүрүп, тоолуу тилкелеринде таш кулашы мүмкүн.
ӨКМ жарандарды, айдоочуларды этият болууга жана коопсуздук чараларын сактоого чакырып, өзгөчө кырдаалдардын күбөсү болсо токтоосуз 112 кызматына чалууну эскертти.