БИШКЕК, 25-авг. — Sputnik. Германияда Золингендеги кол салууга байланыштуу кармалган өспүрүм кыргызстандык болушу мүмкүн экенин жергиликтүү басылмалар болжолдоодо.
Полиция азыр качкындар жатаканасында жашаган 15 жаштагы баланын бул кылмышка тиешеси бар-жогун тактап жатат. Немец басылмаларынын жазганына караганда, ал пландалган кол салуу тууралуу билген жана бул тууралуу эч кимге айткан эмес деп шектелүүдө.
Кыргызстандын Тышкы иштер министрлиги маалыматты тактоодо.
Золинген шаарында белгисиз адам фестивалдын катышуучуларына бычак менен кол салган. Натыйжада үч адам каза болуп, сегизи жаракат алган. Шектүү качып кетүүгө үлгүргөн, бирок бүгүн полиция кызматкерлерине багынып берген. Теги сириялык.