БИШКЕК, 24-авг. — Sputnik. Быйыл Украинада согуштан качкан жана аскердик бөлүктөрдү өз алдынча таштап кеткен 37 миң учурду катташкан, бул 2022-жылга салыштырмалуу төрт ирет көп. Мындай маалыматты РИА Новости агенттиги Новости.Live ресурсуна таянып кабарлады.
Алар украиналык саясий жана коомдук ишмер Олеся Донияга таянып жазышкан.
"Быйылкы жылдын жети айында баш-аягы 37 миң жолу дезертирлик жана аскердик бөлүктү өз алдынча таштап кетип калган учур болгон", — деп айтылган басылманын сайтында.
Дониянын айтымында, 2022-жылы мындай жааттагы учур тогуз миң, ал эми былтыр 21 миң жолу кездешкен.
"Аскерийлер чындыгында мындан эки эсеп көп дешти. Андыктан армияны бекемдеп, ал эми мобилизация боюнча ыкмаларды жөндөп, оңдоп-түзөш керек", — деген коомдук ишмер.
Мындан мурдараак Жогорку Раданын депутаты Руслан Горбенко Украинада жергиликтүү аскерийлерге карата бөлүктү таштап же согушка баргандан баш тартканы үчүн 80 миңден ашык кылмыш иш козголгонун билдирген.
Украинада 2022-жылдын 24-февралында аскердик кырдаал киргизилип, эртеси Владимир Зеленский жалпы мобилизация боюнча жарлыкка кол койгон. Бул кадам Украинадан 18 жаштан 60 жашка чейинки эркектердин чыгышына тыюу салат. Ал эми мобилизация учурунда аскерге баруудан баш тарткандар мыйзам боюнча беш жылга чейин эркинен ажыратылат.