БИШКЕК, 22-авг. — Sputnik. Кыргызстанда 39 өнөр жай ишканасы Эгемендүүлүк күнүндө ачыларын министрлер кабинетинин маалымат кызматы кабарлады.
Бийлик Кара-Кыргыз автономиялуу облусунун түзүлгөндүгүнүн 100 жылдыгынын алкагында республика боюнча 100дөн ашык өнөр жай ишканалары менен ошончо эле социалдык объектилер ачыларын эске салды. Алардын айрымдары иштеп жатат.
Аймактар боюнча маалымат
Баткен облусунда 5 ишкана ачылат: эки кичи ГЭС, кагаз баштык чыгаруучу цех, көмүр казуучу ишкана жана Чакуш кени иштетилет.
Талас районунда темир-бетон буюмдарын чыгаруучу кичи заводдун ачылышы күтүлүүдө.
Ош облусунда 8 объект бар: муниципалдык тигүү цехи, асфальт-бетон заводу, курулуш материалдарын чыгаруучу эки завод, кичи ГЭС, көмүр казуучу ишкана жана Ачы участкасында көмүр брикет чыгаруучу цех, логистикалык борбор (курулуштун биринчи этабы).
Чүй облусунда 13 ишкана бар: курулуш материалдар комбинаты, курулуш материалдарын чыгаруучу завод, өндүрүш кубаттуулугун жогорулатуу менен текстиль фабрикасынын экинчи этабы ишке киргизилди, нефтини кайра иштетүүчү завод, таңгак чыгаруучу ишкана, алтын өлчөөчү куймаларды чыгаруучу завод, клинкер чыгаруучу завод, цемент заводу, бут кийим фабрикасы, керамзит чыгаруучу ишкана, минералдык жер семирткичтер заводу, "Мироновское" кенинде полиметалл рудаларын казуу иштери башталып, ошондой эле Ак-Түз жана Бординский калдык сактоочу жайлары ишке кирет.
Ысык-Көл облусундагы үч ишкана: таштандыларды кайра иштетүүчү завод, сүт азыктарын чыгаруучу ишкана, даяр асфальт аралашмасын жана темир-бетон буюмдарын чыгаруучу завод.
Нарын облусундагы 4 ишкана: соода-логистикалык борбор, тигүү өндүрүш ишканасы, курулуш материалдарын чыгаруучу завод жана эт комбинаты.
Жалал-Абад облусунда: битум, дизелдик отун, бензинди кайра иштетүүчү заводдор, ошондой эле "Эти Бакыр-Терексай" ЖЧКсында алтын чыгаруучу жаңы цехтин ачылышы.
Бишкек шаарында эки ишкана бар. Алар жүк ташуучу унааларды жыйнап, нан жана ундан жасалган кондитердик азыктарды чыгарат.
Ош шаарында текстиль буюмдарын чыгаруучу ишкана, мөмө-жемиш өсүмдүктөрүн кайра иштетүүчү жана сактоочу завод иштейт.