БИШКЕК, 21-авг. — Sputnik. Эми коммуналдык төлөмдөрдү "Менин шаарым" мобилдик тиркемеси аркылуу жүргүзүүгө болот. Бул тууралуу Бишкек мэриясы билдирди.
Бул функция колдонмонун жаңы версиясында жеткиликтүү. Ал "Газпром Кыргызстан", "Тазалык", НЕСК, "Бишкек жылуулук энерго" жана "Бишкек суу канал" сыяктуу кызмат көрсөтүүчүлөрдү бириктирет. Башкача айтканда, шаардыктар газ, электр энергиясы, суу менен камсыздоо жана таштанды чыгаруу үчүн төлөй алышат.
Эскерте кетсек, бул тиркеме аркылуу коомдук транспорттун кыймылына да көз салууга болот.