БИШКЕК, 21-авг. — Sputnik. Министрлер кабинетинин төрагасынын орун басары XVII жайкы Паралимпиада оюндарында өлкө намысын талаша турган спортчулар менен жолугуп, туу тапшырды. Бул тууралуу өкмөттөн билдиришти.
Өкмөт башчынын орун басары спортчулардын жетишкен ийгиликтери үчүн сыймыктанарын билдирди.
"Паралимпиада оюндарына катышып жатканыңыздардын өзү эле жеңиш. Сиздердин эркиңиздер биздин өлкөнү гана эмес, бүткүл дүйнөнү шыктандырат", — деди ал.
Байсалов мамлекеттик тууну Кыргызстандын Паралимпиада курама командасынын капитаны Маматибраим Сурановго тапшырды.
Кыргызстандын Паралимпиада курамасынын мүчөлөрү:
Гүлназ Жүзбаева (жеңил атлетика);
Айтунук Жоомарт кызы (триатлон);
Маматибраим Суранов (дзюдо);
Миргүл Болоталиева (пауэрлифтинг).