Кыргызстанда таштандыны кайра иштетүүгө акы алуу мыйзамы күчүнө кирдиЧүйдүн Жайылында 470 млн. сомдук жер участогу мамлекетке кайтарылдыСадыр Жапаров Россияга жаңы дайындалган элчини кабыл алды алдыда кененирээкПрезидент Садыр Жапаров бүгүн Кыргызстандын Россиядагы жаңы дайындалган элчиси Кубанычбек Бөкөнтаевди кабыл алганын өлкө башчынын маалымат кызматы билдирди. Мамлекет башчы элчиге жооптуу дипломатиялык миссиясында ийгиликтерди каалап, Кыргызстан менен Россиянын стратегиялык өнөктөштүгүнүн маанилүүлүгүн баса белгиледи.Президент эки өлкөнүн ортосундагы мамилелерди мындан ары бекемдөө боюнча дипломатиялык өкүлчүлүктүн башчысына бир катар тапшырмаларды коюп, соода-экономикалык, энергетикалык, инвестициялык, маданий-гуманитардык тармактарда кызматташууну өнүктүрүүгө артыкчылыктуу көңүл бурду. Бөкөнтаев өз кезегинде Кыргызстан — Россия кызматташтыгын тереңдетүү боюнча пландар тууралуу айтып берип, эки өлкөнүн жана элдердин ортосундагы достукту жана кызматташтыкты чыңдоого багытталган биргелешкен долбоорлорду ишке ашыруунун үстүндө активдүү иштөөгө даяр экендигин билдирди.
Кыргызстанда таштандыны кайра иштетүү акысы тууралуу мыйзам күчүнө кирди. Документке ылайык, майлоочу майлар, аккумуляторлор, коргошун аккумуляторлору, электр унааларынын аккумуляторлору, дөңгөлөктөр, электрондук жана электр жабдуулары, турмуш-тиричилик техникалары, ичтен күйүүчү кыймылдаткычтар үчүн фильтрлер, ошондой эле картондон, каучуктан, пластмассадан, полимерлерден өндүрүлгөн товарларды жана товарлардын таңгагын кайра иштетүү акысы алынат. Депутат Дастан Бекешев өзүнүн Telegram каналында билдиргендей, жакынкы арада министрлер кабинети кайра иштетүү үчүн төлөмдүн тарифтерин бекитет, бул нерсе айрым товарларга баанын өсүшүн шартташы мүмкүн.
Евразия экономикалык биримдиги (ЕАЭБ) БРИКС өлкөлөрү менен системалуу диалогду өнүктүрөт. Бул тууралуу Евразия экономикалык комиссиясынын маалымат кызматы билдирди. ЕЭКтин өнөр жай жана агроөнөр жай комплекси министри Гоар Барсегян Нижний Новгороддо өткөн БРИКС өлкөлөрүнүн өнөр жай министрлеринин жыйынында сүйлөдү. "Эл аралык аренада экономиканын чордонуна айлануу ЕАЭБдин артыкчылыктуу багыттарынын бири болот. Ошондуктан биз үчүн БРИКС өлкөлөрү менен реалдуу сектордо кызматташууну тереңдетүү маанилүү", — деген Барсегян. Ал ошондой эле кызматташтыктын келечектүү багыты катары ЕАЭБ өлкөлөрүнүн өндүрүштүк комплекстерин түзүүгө жана модернизациялоого инвестиция тартууну атады.
Чүй облусунун Жайыл районунда 31,5 гектар жер өз баасынан төмөн нарк менен мыйзамсыз менчиктештирилип кеткени аныкталып, мамлекетке кайтарылганын УКМК кабарлады.Маалыматта 2007-жылы мамлекеттик органдардын айрым кызматкерлери "Буудай" ачык акционердик коомунун жетекчилиги менен жең ичинен сүйлөшүп, баюу максатында Ак-Башат айылында жайгашкан 31,5 гектар жерди компанияга 185 миң сомго менчикке чыгарып бергени айтылат. Бул жерде учуп-конуучу тилке, уулуу химикаттарды сактаган кампа болуп, кийин "Буудай" ААКы тарабынан башка курулуштар да салынып кеткен. УКМК мыйзамсыз менчиктештирилген объектилерди мамлектке кайтаруу аракеттери уланып жатканын кошумчалады.