БИШКЕК, 18-авг. — Sputnik. ӨКМдин Куткаруучуларды даярдоочу мамлекеттик борборунун "Эдельвейс" тоо куткаруу кошууну Ала-Арча жаратылыш паркындагы Комсомол, Пионер чокуларына чыгышты. Бул тууралуу министрликтин маалымат кызматы кабарлады.
Билдирмеге караганда, алар чокуда тоого чыгуу даярдыгы боюнча тажрыйбалык сабактарды өздөштүрүшкөн.
"Куткаруучулар бийиктикте өзүн алып жүрүү, асканын бетине, муз баскан чокуларга чыгуу боюнча машыгып, аска-зоодо түшө албай калгандарга, жабыркагандарга жардам көрсөтүүгө даярдык көрүшкөн", —деп айтылат маалыматта.
ӨКМ бийик чокуларга чыгуунун негизги максаты "Эдельвейстин" куткаруучуларын альпинизмге кызыктыруу болуп саналарын белгилеген.