БИШКЕК, 17-авг. — Sputnik. Министрлер кабинети темирди экспорттоого койгон убактылуу чектөөнү жарым жылга узартты. Бул тууралуу минкабдын токтомунда айтылат.
"Темирдин экспортуна убактылуу чектөө киргизилгени тууралуу Дүйнөлүк соода уюмуна, ЕЭК, жана КМШнын Аткаруу комитетине кабарланышы керек. Ал эми Бажы жана Чек ара кызматтары аталган товардын мыйзамсыз экспортуна бөгөт коюу үчүн зарыл чараларды көрсүн", — деп жазылган документте.
Бул чечим темирдин тартыштыгын алдын алуу жана кайра иштетүүнү өнүктүрүүгө өбөлгө түзүү максатында кабыл алынганы белгиленди.