БИШКЕК, 16-авг. — Sputnik. АКШда кыргызстандык 38 жаштагы аял автокырсыктан каза болду. Бул тууралуу ТИМден билдиришти.
Маалыматка ылайык, соттук-медициналык экспертизанын жыйынтыгы менен маркумдун сөөгүн мекенине жеткирүү маселеси каралат.
"Америка Кошмо Штаттарынын Пенсильвания штатынын Карбон округундагы I-80 (Interstate) штаттар аралык автомагистралда жол кырсыгы болуп, анын кесепетинен 1986-жылы туулган Б.С. аттуу КР жараны окуя болгон жерде каза тапканын билдирет", — деп айтылат.
Элчилик АКШнын ыйгарым укуктуу органдарынын кызматкерлери, маркумдун жакындары менен байланышта болуп, аларга зарыл консулдук-укуктук жардам көрсөтүп жатканы кошумчаланды.
Буга чейин ЖМКларда Америкада трак айдаган келин каза болуп, анын сөөгүн алып келүүгө каражат топтоо жүрүп жатканы жазылган.