БИШКЕК, 15-авг. — Sputnik. Борбор Азияда кампалар тармагы боюнча маанилүү иш-чара — CAWS саммитине катталуу ачылды.
Алматы шаарында 3-октябрда 1st Central Asia Warehouse Summit / CAWS Борбор Азиянын кампа жайлары боюнча башкы иш-чара Ritz-Carlton отелинде өтөт.
Иш-чараны IBC Global консалтинг компаниясы уюштуруп жатат. Ал Борбор Азиядагы индустриялык жана кампа имараттары (жайлары) боюнча мыкты бештикке кирип, кыймылсыз мүлк жаатындагы эл аралык ири консультанттардан болуп саналат.
Саммит Казакстандын "Атамекен" деп аталган ишкерлер палатасынын, KAZAKH INVEST улуттук компаниясынын, NielsenIQ Kazakhstan ишканасынын колдоосу менен өтмөкчү. Башкы өнөктөш — MP Solutions, расмий өнөктөштөр: Burunday Container Terminal, "Исткомтранс" ЖЧКсы.
Борбор Азияда кампалар тармагы боюнча маанилүү иш-чара — CAWS саммити
© Фото / Пресс служба IBC Global
Иштиктүү программага DAS Family Office (Сингапур) компаниясынын инвестициялык портфелди өнүктүрүү боюнча стратегиялык эксперти менен өнөктөшү Райнер Михаэль Прайсс, International Digital News медиалык-изилдөө агенттигинин тең түптөөчүсү жана эл аралык инвестор Адриан Хенни катышат.
CAWS Казакстан, Өзбекстан, Кыргызстан, Тажикстан, Азербайжан жана Россиядан 300гө чукул катышуучуларды топтогон маанилүү окуя болуп калмакчы.
Иш-чаранын алкагында инвесторлор менен банк секторунун өкүлдөрү коммерциялык кыймылсыз мүлк, соода, логистика тармагында аймактын инвестициялык жагымдуулугуна баа беришет.
CAWS саммитинин коноктору макроэкономикалык тармактар боюнча маалыматтар жана жакынкы жылдарга жасалган божомол менен таанышат. Спикерлер рыноктогуларга аймактын өнүгүшүнүн өзгөчөлүктөрү, негизги маселелер жана инвестициялык жаңы мүмкүнчүлүктөр туурасында айтып беришет.
Иш-чарага Golden Bridge, Wildberries, Евразиялык өнүктүрүү банкы, Кыргызстандын Экономика жана коммерция министрлиги, Россия почтасы, Sturgeon Capital, Ghelamco Group, Россиянын экспорттук борбору, Radius Group, Focus Logistics, Apple City, Orient Logistics, Alkanov Group, Исткомтранс катышарын айтышты.
Тиешелүү маалыматтар жана катышуу шарттары туурасында иш-чаранын сайтынан ала аласыз.
Материал коммерциялык негизде жарыяланды