Жакында эле "Агроөнөр жай комплексин мындан нары өнүктүрүү боюнча чаралар жөнүндө" жарлыкка президент Садыр Жапаров кол койду. Анын башкы максаты - Агроөнөр жай комплексин туруктуу өнүктүрүү, азык-түлүк коопсуздугун бекемдөө жана жаратылыш ресурстарын натыйжалуу пайдалануу көздөйт. Жарлыкта негизги 5 багыт тандалып алынып, бул боюнча аткарылчу милдеттер, пландар коюлган. Бул жолу ушул беш багыттын бири тууралуу, тактап айтканда, “Азык-түлүк коопсуздугу маселелери, кайра иштетүү өнөр жай комплекси, кооперацияны өнүктүрүү, машина- трактордук станцияларды түзүү иштери” тууралуу маек курдук.
Бул багытта коюлган милдеттер, пландар кантип ишке ашарын Суу ресурстары, айыл чарба жана кайра иштетүү өнөр жайы министрлигинин Айыл чарбада кооперациялоо, механизациялоо жана инновациялык технологиялар департаментинин директорунун орун басары Жыргалбек Бардыбаев жана Суу ресурстары, айыл чарба жана кайра иштетүү өнөр жайы министрлигинин Кайра иштетүү өнөр жайы жана органикалык айыл чарба департаментинин директору Мухтар Чыналиев айтып берди.