БИШКЕК, 14-авг. — Sputnik. 13-август күнү Улуттук банк валюта рыногуна 59,8 миллион доллар сатты.
Эскерте кетсек, августтун башынан тарта доллардын баасы жогорулай баштаган. Кечээ сатуунун орточо курсу 85,91 сом болсо, бүгүн 86,21 сомго чыкты.
Банктарда доллар 86,2 сомдон, ал эми акча алмаштыруучу жайларда 86,3 сомдон сатылууда.
Бул Улуттук банктын августтагы экинчи интервенциясы, бейшемби күнү рынокко 51 миллион 650 миң доллар чыгарган.