"2024-жылдын 10-майында ата мекендик автоунааларга болгон суроо-талаптарга дем берүү максатында министрлер кабинетинин "Жеңилдетилген автокредит" долбоору бекитилген. Анда ата мекендик унааларды алуу шарттары, мөөнөтү жана кимдер ала алары көрсөтүлгөн. Жеңилдетилген насыя сегиз пайыз үстөгү менен 5 жылдык мөөнөткө берилет. Мамлекеттик органдар, юридикалык жактар жана жеке ишкерлер 100 миллион сомго чейин, ал эми жеке жактар 3 миллион сомго чейин каражат ала алышат. Ал үчүн "Айыл банк" менен "Элдик банкка" кайрылса болот. "Айыл банкка" өзүнүн каражатынын эсебинен жылдын аягына чейин 400дөй унааны кредитке берүү милдеттендирилген. Учурда банктын кызматкерлери тарабынан өлкөнүн бардык аймактарында кошумча маалымат берүү иштери жүрүп жатат", — деди Токтогулов.