БИШКЕК, 12-авг. — Sputnik. Ысык-Көл облусунун Тогуз-Булак, Бактуу-Долоноту, Булан-Сөгөттү, Бостери айылдары менен Чолпон-Ата шаарында жүргөн сел 17 турак үйдү каптап, ички көпүрөнү алып кеткен. Бул тууралуу ӨКМден билдиришти.
Маалыматка ылайык, нөшөрлөгөн жамгырдан улам Бактуу-Долоноту суусу жана Жүдөмүш каналындагы суу нугунан чыгып кеткен.
"Жалпысынан болжол менен 17 турак үйдү суу каптап, бир ички чарбалык көпүрөнү агызган. Жерине куткаруучулар, техника тартылып, тазалоо иштери жүрүүдө", — деп айтылат маалыматта.